【香港周围游】大埔林村绿色空间 仙人掌爱好者必去

之前介绍过好多间餐厅小店，今次就有小小唔同！唔再系餐厅或者咖啡店，而系一间植物小店兼绿色空间。小T起初系俾店主悉心摆设嘅环境所吸引，店内每个角落都系靚靚打卡位。



Botanic Union位于大埔林村，未至于偏远得难以到达，但就有一种小旅行嘅感觉。店内有各式各样嘅绿色植物，望到绿油油嘅画面，心情都会变好！如果你钟意仙人掌、空气草等等绿色植物，更加可以为买返屋企，店主会教埋你打理嘅方法，就算冇种植经验都唔怕。



除咗出售植物，店主本身都系植物爱好者，所以努力推广绿植文化，希望透过Botanic Union连系志同道合嘅朋友。所以小店仲有植物艺术创作、园艺工程及设计、工作坊同团体预约企业参访。免费提供团队预约场地导览同参观，有导览员为你介绍各式种类嘅植物，从种植过程中了解同植物之间嘅连系、生活方法以及学习点样种植自己所属嘅盆栽，小店提供免费咖啡茶水，令到访嘅朋友喺城市中融入植物，为自己带嚟一个休息空间。




渴望喺城市中搵一片绿洲嘅你，今个周末就去Botanic Union行吓啦！



Botanic Union

营业时间:
星期一至日
10:00 - 18:00

地址:
大埔林村较寮下65号(坑溪里入）

图片来源: Botanic Union
撰文: Zoe