【香港周围游】慢步维港海滨长廊 欣赏微型艺术

不论身边系情人，又或者只系一个人，慢步维港海滨长廊都系一件好舒服嘅活动。喺星光大道嘅对面，就有一件件「微型艺术」展示出嚟，俾大众观赏打卡之余，都可以尝试了解背后作者嘅想法。

微型艺术家—安泰制作微型艺术嘅目的，希望透过微型艺术作品诉说以往嘅故事，唤起大家对过往嘅回忆，将老香港情怀同文化代代相传落去。所以今次维港海滨长廊嘅作品都系围绕香港情，「家」嘅概念。


2017年，安泰创办「微行动mini movements」义务探访计划，透过义工服务分享对行动不便同有需要人士嘅关怀，更会探访校园去推广香港手作微型艺术俾下一代。

「港」电视 . 讲「家」情


见到「大牛龟」怀旧电视机，以为作者想表达香港情旧。其实冇咁简单，作者认为「大牛龟」电视机陪伴港人成长，陪伴无数家庭「电视机送饭」。喺香港经济起飞嘅年代，电视机系家庭中嘅重要角色。就有如维多利亚港一样，同港人生活息息相关，亦喺香港历史扮演咗重要景象。两者都代表「家」。


两部大电视机以垂直嘅方式叠起，贴心地兼顾了不同身型人士嘅需要，为多元共融社会贡献应有嘅关怀同同理心。更加为大众提供一个互动同充满玩味嘅拍摄场景。观赏两部大电视机，有如睇紧一幕幕活生生嘅画面，有笑有泪。

小电视机


迷你电视机以微型概念创作，并以特制嘅水泥夹固定喺海滨长廊嘅栏杆上，游人可以通过小电视机萤幕，观赏对岸美景，亦鼓励运用互动视觉嘅拍摄角度，影低香港动人嘅一面。


栏杆上都有微型模型！



端午节快到啦！就趁假日去海滨长廊睇吓啦。



微型玻璃砖
微细事情总埋藏在身边，等待你去发现！

图片来源: On Tai 安泰
撰文: Zoe