【深度文】十个乱世下极有用嘅心灵贴士

作者: Timable, 2020年7月20日 (一) 上午6时32分


面对香港目前嘅困境(社运+肺炎+移民),大家好可能日日都好唔开心咁... 咁可以点? 袋住以下心灵贴士,希望唔多唔少可以帮到大家!

1/ 系呀!个世界Fxxk Up咗㗎喇!
唔得嘅咩?个世界一定要美好嘅咩?你以前开开心心去旅行食放题时,非洲咪又系秒秒钟有人饿死,有美好过咩?只系而家终于都到我哋一齐受,fxxk up咗就系fxxk up咗!好出奇呀?知否世事常变,变幻原是永恒,老土but啱悲但真喎!

2/ 然后呢?承认有啲嘢系冇得返转头嘅!
肯承认系好紧要嘅!好似柏豪BB打烂咗杯咁,就算柒步成完诗都好,只杯栏咗就系烂咗,点黐都黐唔返原本咁嘅,Admit it! 大家生活方式要改变,唔好成话「以前乜乜乜,嗰时点点点~」你唔接受都唔会变返以前,只系呃自己,所以都系接受现实啦!

3/ 跟住呢?改变咗都几好喎!
脑细话斋,防御性悲观性乐观,悲观过后,总有嘢系好嘅!例如冇得去旅行,又悭咗$,又可以行下山,又可以周围深度游下香港,不知几好;唔好一味悲观,试下向好嘅方面諗,一定会有好嘢嘅!唔系阿Q,但半杯水总有2个睇法;而且,有时被迫试下新嘢都系好事嚟~

4/ 转得快,好世界
当人哋仲唉唉声缅怀过去时,你已经对住新方向系咁冲,人哋后知后觉转身几快都追你唔到啦;个世界会变成点真系冇人知,从前好好嘅职业(如旅游业)可以一夜间冇晒;前路冇人知,唯有要跟得快转得快,唔好害怕改变,要拥抱改变,要为自己每日嘅改变而开心!那管是饮杯未饮过嘅新嘢咁简单!

5/ 珍惜更多同家人相处嘅时间
以前香港人好忙,主要系忙旅行,2个月一小飞,半年一大飞,飞完洗晒钱又忙搵返$再飞过,忙忙忙其实自私,你飞咁多次有几多次系陪你2老飞嘅?就算唔飞,喺香港Weekend你又有几多时间陪家人先?而家咪好啰,多啲时间对住,虽则可能多咗磨擦,毕竟屋企人先系最重要,爱渠哋多啲啦!

6/ 旅行?咩嚟㗎?食得㗎?
冇㗎喇,唔单止大家冇得去旅行,我好怀疑电视台嘅旅游节目都已经冇晒新货~好彩旅游节目播完又播都OK,就算Out咗都唔紧要,反正你都冇得飞去fact check~香港人,都飞咗咁多年啦,咪当畀自己储下energy储下$,去日本仲多过喺香港行山实在系无谓,你估人人都系杜如风咩~

7/ 搵啲新兴趣醉心研究下
香港人出名咩都3分钟热度,原因都系太幸福同埋太多资讯(Timable)而时间又有限;而家多咗时间又唔可以去太多地方,应该搵啲新兴趣慢慢研究下,唔系3分钟打卡,系要玩耐啲玩深啲,做手作又好,煮嘢食整蛋糕又好,好似日本仔咁钻研一样嘢,你会发觉比打卡主义更有乐趣更有内涵~

8/ 家居收纳断舍离,执屋吧!
以前成日赖冇时间,而家大把啦,冇借口喇挂!屋企买买埋埋咁多唔等驶嘅嘢,系时候清清渠啦,执返啲位出嚟摆防疫物资都好吖;执吓屋,Re-arrange吓,整整齐齐少咗杂物,个人都开心啲!但要记住,多咗位唔代表你可以乱买返啲垃圾返嚟喎!环保啲悭钱啲啦!世界唔同咗㗎喇!

9/ 唔好浪费时间!好好增值自己!
在家时间多的是,唔好打咁多机啦,除非你打到去电竞Level,否则都系浪费时间嘅啫;睇大台剧都系浪费时间㗎!最低限度都睇Netflix听下英文吖,睇烧脑剧又可以防止老人痴呆;睇Youtube都好多嘢学㗎,咁最好梗系拎本书上手睇啦,冇万里路行,咁当然系读万卷书好啦~

10/ 抬头吧!黑暗过会是晨曦,怀着乐观总有转机!
乜都假!到最后都系要有希望有正能量!事情总会有过去嘅一日,凭住香港人嘅坚毅、团结同创意,我相信大家好快会有返相对正常嘅生活;冇人可以保证啲咩,但终日苦口苦面亦唔见得可以解决问题!怀住希望,大家一步一步挨落去,总有一日,除罩相见!