《红Van》续集 电视连续剧2021年中播出

作者: Timable, 2020年9月23日 (三) 下午12时31分


2014年,陈果执导嘅电影《那夜凌晨,我坐上了旺角开往大埔的红Van》上映,当时口碑毁誉参半,有人话烂尾,有人话太唔跟原着,小说明明系上帽山,戏就话出九龙,所有谜都未解,套戏咁就完咗,戏迷同红Van迷等了又等,足足6年,终于有消息!

消息指《红Van》成功入选今届台湾金马影展嘅金马创投会议剧集项目,将会开拍剧集版,预计2021年中播出,由陈果、钱小蕙监制,江皓昕编剧,故事原着作者Pizza会帮手重写结局。

当中,比较受关注嘅会系其中2个男主角,Shine嘅徐天佑同黄又南,渠哋之前好似系因为政见面不和,仲讲咗"No More Shine",不过今次开续集,陈果又话希望用返原班人马 (当然观众都想啦),希望渠哋可以为艺术面牺牲下,破例合作返啦!

《红Van》一直资金紧绌,有说最后一幕飞车都因为唔够钱而要变文戏,续集亦完全冇消息;如今要靠外国资金先拍到,都唔知系好事定坏事。电影变剧集,即系长咗,对红Van迷嚟讲系好事,多咗嘢睇,唔驶迫住喺2粒钟交代晒所有嘢!至于边度播就仲未知,个创投会议仲有另一套港产剧集,就系由林保怡监制、黄绮琳编剧嘅《心房治疗师》,创作团队系《叹息桥》原班人马,睇落似系同ViuTV有关;不过小T最想嘅都系喺Netflix播,配埋英文字幕先可以冲出国际!

好心急!希望可以原班人马拍到!游梓池、Yuki、发叔、阿信、小巴佬!加油!冲出大埔!时代革命!

 
外送賴dd963
2月3日 上午1时36分
+LINE:dd963台灣地區:新北.台北.林口.龜山.新竹.台中.高雄.台南.彰化.南投
看照網址:https://s56dsw.wixsite.com/mysite