「良心小店」系列复活啦!做咗咁耐呢个系列,第一次有良心店邀请小T试食!虽然系咁,但我哋都会如实出食评,大家放心睇埋落去啦~

今次邀请我哋试食嘅良心小店叫Annie Cakelab,主要做芋圆同麻糬曲奇。店主制作嘅都系低糖甜品,啱哂香港人口味。


小T本身好钟意麻糬,之前亦试过韩国某牌出品嘅麻糬曲奇,中间旧麻糬冇咩烟韧口感,加上朱古力味有小小假,自始就对麻糬曲奇冇咩期望。小T起初都系抱住呢种心态去试,估唔到有惊喜!


今次试食嘅系朱古力麻糬曲奇及抹茶麻糬曲奇 ($36/3块)。店主用上韩国面粉、法国牛油、比利时朱古力及3.6牛乳制作。


曲奇上有大大粒朱古力粒,抹茶款一定要夹埋朱古力粒一齐食,否则味道会有小小单调。


店主建议食用前喺曲奇表面喷小小水,再用焗炉低温150度,焗3-4分钟左右,或者可用微波炉中低火「叮」1分钟。可惜小T厨具有限,只系等解冻完室温咁食。但就算冇跟建议食法,中间旧麻糬都相当有口感,相信大家跟店主咁做,口感会更烟韧。整体嚟讲,曲奇就算有朱古力又有麻糬,但都唔会太甜,食咗都冇咁罪疚~


同样系皇牌甜品嘅有三色芋圆,煮法相当简单,滚三分钟就食得。特别想推介大大粒包心款,真材实料,包心入面系软滑紫薯蓉!食完超满足。


除此之外,小店仲有芝士奶盖、雪糕泡芙等等俾大家加购。小T亦试到渠哋嘅芝士奶盖,好重忌廉芝士味,就咁食都好好食。如果大家都想试吓良心手作甜品,可以睇以下IG:


Instagram: annie.cakelab

文: Zoe
 
外送賴dd963
2月3日 上午1时34分
+LINE:dd963台灣地區:新北.台北.林口.龜山.新竹.台中.高雄.台南.彰化.南投
看照網址:https://s56dsw.wixsite.com/mysite