从前,Swarovski系高贵o既水晶; Hello Kitty系风靡万千少女o既卡通猫. 如今,一拍即合,Crossover! Hello SwarovsKitty!

今晚系Swarovski同Sanrio携手打造首个Hello Kitty系列o既发布私人派对. 唔系个个Swarovski同Hello Kitty迷都有得参加,所以Timable就率先直撃为大家报导!

今晚众星云集,但小记不才,认得出o既明星只有Boyz同埋o靚模Evelyn,之后就系一众认得出个样但讲唔出个名o既明星明模(请问叫我点分诗雅同连诗雅呢?系咪有2个诗雅连住行出黎就叫连诗雅?),现场衣香鬓影(PR用字)!



(传说中的究极水晶Kitty猫!)

到了行Catwork(其实唔系fashion的话可唔可以叫Catwalk嫁呢? 小记未做过fashion版的…),天桥尽头有部Hologram全息投影机! 即系咩? 立体投射啰! 仲唔知系咩? 有冇睇周董个超时代演唱会呀? 开场咪有个3D周董投射左出来o既,就系o个部啰! 不过今次唔系投射周董,系投射Kitty猫X Swarovski o既首饰,都几可爱!

(系咪好立体呢? 但其实睇相系唔觉嫁啰...)

当中以个Party袋最抢镜! 肯定会成为一众老兰Party Gals的大会指定手袋! 衬埋个山寨水晶Kitty猫iPhone4壳,衬到绝一绝!


(呢张相,应该搵到下食)

(有冇高手指教下,如果作为一个记者,你前面个人成晚举住部机,搞到我影唔到全身,除左去打渠一身之外,仲有冇方法?)

最后,是谢婷婷喔! 好想问渠”你阿哥ok嘛?” 渠拎住只全世界得88只,香港得4只,用左20,000粒水晶镶嵌o既究极水晶Kitty猫,弥足珍贵(新闻稿一定要用呢4只字)! 一猫在手,应该乜女都有! (讲笑咋,但唔好笑…) 8号猫仲要系用作慈善拍卖,如果你阿爸几百万未开头,不妨bid黎玩下!


买只究极水晶Kitty猫就假o既,d 小首饰都真系几精致几靚,系女朋友生日或结婚纪念日送礼首选~ 哗! 做乜咁hardsell? Timable收左$写稿乎? 非也! 小记系见间PR公司邀请Timable黎科丝神咁巴闭,梗系要落下咀头啦! 而且,有Kitty猫,小记点写,少女们都咁like嫁啦,right?!

食多次字先! Hello SwarovsKitty! 食得咁好,PR公司们可否考虑下请小弟呢?! Timable人工太低了!!!

(最后整多张靚靚product相过你~)

Timable特约记者: 黑莓
摄影: 黑莓
27/7/2011