作为土生土长嘅南区人,一定听过唔少关于南区嘅灵异事件👻👽🛸今个星期就等小编同你睇吓南区有咩灵异传说


新系列「灵」社交距离嘅第一post就同大家睇吓就嚟变做集体回忆嘅海洋公园啦😌相信大家都听唔少关于海洋公园嘅传闻,当中最出名嘅传闻一定系「一家四口缆车意外」。


街坊们有冇听过传说中恐怖缆车意外?传闻喺海洋公园开幕无耐就发生缆车失事事件,载有一家四口嘅车厢跌落山崖就此身亡。有传闻话初期园方用直升机将一幅海马旗遮住失事位置;甚至有传言话,如果坐喺缆车上,仔细咁向下观察,会发现一个损毁严重嘅车厢,而且会隐约见到里面有四个人向游客挥手⋯⋯不过多年后乐园高层就澄清只系缆车嘅车顶吹咗落山脚。

传说系真定假,直到而家都冇一个确实嘅说法。不过小编由以前讨论区嘅总结出2种说法:
1. 一堆网民认为当时社会环境比较封闭,而政府为推动旅游业,因此有可能隐瞒事故。
2. 而另外一种就觉得发生咁严重嘅事故,政府冇可能做到封锁所有消息同消灭全部证据,认为只系一个假传闻。

如果乐园而家承认曾经发生意外,并且设有售票探险队会唔会杀出另一条新出路呢🤪

文: 南。志Southern Stories