【文青去边好】将军澳人气Café推介 最新宠物友善Café / 文青小店 / 靚景打卡合集

今期将军澳都颇受欢迎，唔少人周末都钟意入去行下，近年亦进驻咗唔少特色咖啡店，加上地点清静又有靚景，都几适合静静地坐下，轻松过一个休闲下昼。以下就为大家集合咗6间将军澳人气Cafe，仲有最新开嘅宠物友善Cafe，无论喺文青风定工业风，叹到靚咖啡之余仲有咁chill嘅环境，总有一间适合你!

---

Stay With Cafe

图片来源: ig @staywithcafehk

最新推介嘅有位于蓝塘傲嘅Stay With Cafe，店舖行型格工业风，店内有唔少精致小物及摆设都睇得出老板嘅小心思，金属配以木质嘅家俬加上水泥墙嘅衬托，相当有格调。店内嘅手造吊篮、室外座位以及窗口嘅吧枱设计，亦喺非常「打卡able」。店舖更加喺宠物友善，提供宠物menu，狗仔都有afternoon tea set! 大家可以带埋心爱嘅毛孩一齐过返个Chill Chill下午啦!

图片来源: ig @staywithcafehk

食品方面提供All Day Breakfest、各种特色意粉及小食等等，较特别嘅有脆炸牛油果条、明太子大虾意粉配紫菜天妇罗脆脆。饮品方面选择都几多，除咗咖啡及来自台湾种植嘅茶品之外，特别推介有主打嘅Tiramisu coffee，店主形容喺一杯饮得嘅Tiramisu，特意调教嘅味道唔会太甜腻，无糖可可粉、咖啡和Tiramisu Cream互相中和配合，加上干花及食用花点缀，卖相同味道都非常吸引。

营业时间:
星期二至日 11am - 6pm | 星期一 全日休息
地点:将军澳唐贤街29号蓝塘傲地下3B号舖

---

Urban Coffee Roaster

图片来源: fb @Urbancoffeeroaster

另一间都喺行工业风嘅有去年年尾喺将军澳新设分店嘅Urban Coffee Roaster，贯彻铜锣湾及尖沙咀分店嘅轻工业风装潢，而新店座落喺海滨长廊嘅铺位，阳光透过大玻璃窗照入店内，非常舒服，钟意睇住海景叹靚咖啡嘅你就最啱喇! Urban Coffee Roaster喺本地精品咖啡品牌，堂食以外，唔少咖啡爱好者都会购入店舖自家烘培嘅咖啡豆。店舖以高质咖啡豆制作多款手冲咖啡，食品主打轻食和fusion菜色，提供不少清新之选如牛油果配无花果多士及手撕猪肉配宾尼迪蛋; 甜品方面法式焦糖班戟亦值得一试。

营业时间:
星期一至日 8am - 10pm
地点: 将军澳唐贤街29号蓝塘傲地下12号舖

---

JOMO Coffee and Cakes

图片来源: fb @JOMOCNC

钟意日系小清新风格嘅，可以嚟JOMO Coffee ad Cakes，店内纯白日系装潢，走简约嘅文青风格，亦设有户外露天座位。店舖嘅咖啡由本地咖啡烘培房Roast Work提供，以巴西、哥伦比亚、危地马拉及印尼混合以成，入口带有独特的榛子、焦糖和可可风味。JOMO设有自家烘培饼房，提供稳定质素同供求量。自家制嘅糕点都相当受欢迎，卖相亦十分精致吸引，主打有戚风蛋糕及巴斯克焦香芝士蛋糕，而糕点同其他食品更有纯素选择适合唔同人需要。

营业时间:
星期一至五 9am - 6pm | 星期六及日 9am - 7:30pm
地点: 将军澳唐俊街二十三号澳南海岸地下G01

---

Ocio

图片来源: fb @OCIOKITCHEN

喺近坑口站东港城，就有一间装潢精致，环境几适合放松嘅日系咖啡店。店内有唔少可爱挂画作装饰，浅木色家具加上纯白色墙身，好少女啊! Cafe主打甜品，选择颇多，招牌嘅鑊仔Pancake，仲有各种甜品窝夫，都系必试之选!

营业时间:
星期一至五11:30am - 10:30pm | 星期六及日 11am - 10:30pm
地点: 将军澳坑口重华路8号东港城2楼238号舖

---

NOC Papillons & Bakery

图片来源: fb @nocpapillonsandbakery

人气急升嘅本地咖啡品牌NOC Papillons & Bakery咖啡店，喺翩汇坊开设嘅新店已经喺第六间分店，占地4,000平方尺，舖内间隔分明，枱与枱之间空间十足，相当宽敞! 店舖装潢极简约，以水泥灰配纯白色，充满时尚感。NOC嘅咖啡以高质素咖啡豆制成，更会按照不同季节精选世界各地风味独特嘅咖啡豆。店内更设有自动贩卖机，供客人们选购喜欢嘅咖啡挂耳包。将军澳分店更喺首家自设开放式饼房嘅分店，每日提供新鲜出炉嘅自家制糕点，客人仲可以睇到制作过程，首推嘅有人气焦糖蛋挞。

图片来源: fb @nocpapillonsandbakery

营业时间:
星期一及三 8am - 6pm | 星期二、四至日 10am - 6pm
地点: 香港新界将军澳唐俊街21号翩汇坊地下1A号铺

---

牧羊少年咖啡馆

图片来源: 牧羊少年咖啡馆官网

深受文青欢迎嘅牧羊少年咖啡馆，喺香港首家以旅游为主题嘅咖啡店，除咗饮食之外，咖啡店仲会定期举办各种文化、艺术活动，好似旅游分享会、音乐会、文创比赛、摄影展、二手书回收运动和青少年社福咖啡班等等，咁多年嚟都储咗唔少拥趸㗎。全港现时一共有7间分店，将军澳店则位于香港单车馆公园，去年曾经翻新店舖，以日式木系装修为主，更加有单车元素嘅装饰品，非常配合单车公园嘅主题。将军澳分店亦相当宽敞，特大玻璃窗设计采光极佳，望住公园同人工湖享受咖啡非常写意。餐饮方面，lunch set menu性价比甚高，价钱大约$62-128左右，包括餐汤、意粉及饮品，有靚景又可以静静地叹个lunch都不失为一个好选择。

图片来源: 牧羊少年咖啡馆官网

营业时间:
星期一至五 11am - 10pm | 星期六及日 8am - 10:30pm
地点: 将军澳宝康路105-107号香港单车馆地下G53号

---

图片来源: 网上
撰文: HL