位于粉岭坪輋坪洋村有一大片白茅草田,每年大约3-4月白茅草就会盛开,不过花期不定,而喺刚过去嘅冬天12-1月,白茅草亦曾经盛开过,吸引咗唔少游人嚟到呢片绝美秘境,咁大片嘅白茅草园,喺香港都比较少见。今年春天,白茅草再次盛放,想影靚相又怕辛苦唔想行上山嘅话,呢度就啱哂你。

图片: Instagram @bittersweetmaggie

图片: Instagram @bittersweetmaggie

白茅草比芒草更细株,盛开时白色毛毛草遍布整片田野,无论远定近睇都好浪漫,打卡时想影到好似置身其中的话不妨蹲低一点就有更好效果喇。

图片: Instagram @tiffany_moment

图片: Instagram @april_lau_jw

想影白茅草,仲想睇埋日落嘅话唔需要太早去,路程唔长,连埋影相打卡其实大概2个小时左右。喺阳光照射下,加上逆光嘅加持,白茅草会显得金光闪闪,更能凸显毛茸茸嘅细节。白茅草田十分空旷,日落时分可以睇到大大个咸蛋黄,景色非常浪漫壮观。

图片: Instagram @bittersweetmaggie

除咗白茅草田,喺另一面嘅芒草田都一样好靚,芒草生得比较高大,可以长达2-3米高过人,又喺另一种景色。不过芒草属于秋冬季节嘅景象,依家算喺最后机会,唔喺净返好多㗎喇!

日光下的芒草

日落时分的芒草

图片: Instagram @kikopang2020

如果想去更高角度欣赏,可以上埋踏步径,沿楼梯往上行,半小时左右轻松登顶,仲有一条松树径,两则种满松树,风景优雅,有种好似去咗欧洲一样嘅感觉呢!

图片: Instagram @tiffany_moment (图左); @nb.ohssvely (图右)

请注意,由于白茅草田属于坪洋村范围内,请尊重村民,前往时请保持安静和环境洁净,疫情期间必须佩戴口罩,仲要记得带走垃圾,千祈唔好骚扰到居住嘅村民! 切勿采摘花草,打卡时亦唔好自行开辟田地,避免践踏草地,好好爱护环境先可以保存咁靚嘅美景㗎!

前往方法:
粉岭火车站乘搭52K专线小巴前往坪輋,喺九记士多落车,士多左面沿着马路一路行,见到壁画村后继续前行,入村后途径坪洋公厕、公园及乡公所,向左沿路行见到坪洋牌坊,经过左面有停车嘅烂地直入就会到达白茅田。如果想去芒草田,径坪洋公厕后沿大马路继续靠右向上行,三乡亭后面就是,而踏步径亦喺从三乡亭右面牌坊楼梯直行。



图片来源: 网上
撰文: HL