深水埗近年变身文青最爱踏足之地,除咗有唔少艺文机构同活动,亦因为有唔少各具特色嘅咖啡店,最啱周末去叹下咖啡食个下午茶。踏入2021年几个月,再有几间高质素Café进驻深水埗呢个文青聚脚点,以下就重点推介3间最新开,着重食物质素又有Style嘅Café比大家!!


迷你毛 | Minimal
简约舒适环境 食物用心之作性价比高


位于鸭寮街,穿过喧闹嘅市集,甫进入南昌街分隔开嘅另一个路段,就会见到有一间以纯白外墙装修嘅大面积咖啡店,落地大玻璃门面加上简洁嘅装潢座落喺旧城区中间格外显眼。


呢间Café叫做迷你毛,但喺铺位一啲都唔迷你㗎! 拥有2千呎大面积嘅店舖原来喺打通咗两个铺位,里面多达60个座位但都依然好阔落,可以坐得轻松啲,同朋友倾计都好自在。一入门口有个打卡位,浅木色圆形挂墙凳配上浅粉红色沙发,配合埋白色墙上个藤叶装饰,带点日系简约风格,点影都靚! 再望入餐厅里面,特别之处喺可以见到咖啡店清楚分为两个部分: 一边喺属于少女风格嘅可爱粉红色墙,衬以深灰色座椅同云石枱,配埋大圆形吊灯,摩登而有格调; 另一边喺带有日系风味,墙身、地板以及枱凳都采用咗木色,中间有两组茶几配宽阔矮咖啡座椅,休闲自在; 人数较多嘅朋友可以选择窗边有个Corner座位,可以观赏住开扬街景,亦有自成一角嘅感觉,非常舒服。


Café提供西式食品,有多士、意粉、窝夫等等,小T真实食评觉得炸鸡窝夫非常出色!!用水果腌制过夜嘅炸鸡食落Juicy而唔油腻,夹埋用自家制粉浆嘅窝夫再淋上枫糖浆,咸甜适中清新香口,喺Encore之选!!另外都有唔同嘅多士亦喺店舖主打食品,例如松露水波蛋什菌多士,满满黑松露配流心蛋,亦用咗比较健康嘅麦包作多士。其他选择有牛肝菌孖瓣粉、芫茜苗香辣大虾扁意粉、辣手撕猪肉窝夫、牛油果巴马火腿多士等等,份量适中,适合几个朋友叫多几款一齐Share。

饮品方面咖啡以外亦有几款特色饮料,例如雪糕波子汽水、火龙果乳酪、蝶豆花柚子梳打等等,卖相好靚,味道亦好清新开胃。


食完主食当然要满足埋第二个胃啦! 呢度嘅甜品从外型到味道都好吸引! 必试嘅有意大利芝士蛋糕(Tiramisu)同薄脆拿破仑: Tiramisu外型好似一个松软嘅云朵,面层嘅cream cheese绵滑,中间饼底有酒香但唔会过浓,再洒上脆脆、谷古粉混合朱古力粉,口感唔错亦唔涸喉; 另一个大推甜品就系薄脆拿破仑,唔同传统嘅拿破仑,用咗几层薄脆整成,松脆口感配合中间榛子酱夹吉士酱,味道丰富!! 另外,面层炒得好脆嘅果仁,同埋配衬嘅雪糕都相当有惊喜,雪糕上面仲有啲爆炸糖,口感好得意!!

整体甜品唔会过甜,食完全份都唔觉腻,啱哂时下女仔比较注重健康同钟意适中嘅味道。如果你想拣一间食物质素高而又可以打卡嘅,都几推荐你去试下!

营业时间: 星期一至日 11am - 9pm
地点: 深水埗鸭寮街121-123号地舖


Loop Kulture
Café x 有机产品小店 闹市中的小森林

图片: Instagram @szebebebebe

另一间位于鸭寮街嘅有刚开业嘅Loop Kulture,喺有两层高嘅Café,楼底相当高空间感唔错。水泥墙配木家俬,带点轻工业风嘅型格装修,而且店内放置咗好多植物,好似走咗入森林咁,超多打卡位!! 呢度仲喺宠物友善㗎,可以带埋你嘅毛孩过嚟呢个闹市中嘅小森林,chill返一个下昼!!

图片: Instagram @slow_d.o.w.n

店铺入面仲有一个部分有卖有机产品,推广健康生活,产品种类例如日用品、坚果、各种食品同酱料等等。

图片: Instagram @meals.projects

食物方面,选择唔算多但都喺用心之作,主要提供轻食,造型出色而且都系比较健康清新,主打有彩虹乳酪碗、牛油果无花果配酸种面包等等,仲有大热嘅焦糖香蕉法式吐司,卖相摆盘已经非常打卡-able,厚多士嘅脆焦面加埋焦糖香蕉同雪糕,见到已经流口水!

营业时间: 星期一至日 10am - 6pm
地点: 深水埗鸭寮街90号地下


枫子珈琲 | Fonji Cafe
复古日系风格 每日限量天使之铃可丽露

图片: Instagram @fonji.cafe

呢间位于枫树街嘅枫子珈琲,见到铺面装修同店名都感受到浓浓嘅日式风味。木系装潢配深色墙,店内仲有唔少店主收藏嘅小物同怀旧装饰,走入店内除咗咖啡香,仲会有股浓浓嘅日系复古味,打卡位都几多。枫子珈琲只喺开业短短一个月已经大受欢迎,每逢周末都见排队人龙,绝对喺今期最红!!

店铺位置关系,装饰都加入咗唔少枫树元素,连咖啡都有一款加入咗枫糖嘅Fonji maple cafe latte可以选择,相当用心。食物方面提主要供日式轻食,选材都颇特别,有多种吐司,特色主食有枫糖芥末薯粒几块意粉、樱花虾豆乳担担赞岐汤乌冬等等,味道清新。

图片: Instagram @fonji.cafe

而甜点喺呢度极受欢迎嘅产品,蛋糕亦会不定期推出限定款色。甜品款色方面颇多,例如有软熟嘅戚风蛋糕、卖相超少女嘅炼乳草莓蛋糕、大热樱花豆腐芝士蛋糕等等,味道清新而唔会太甜。

另外枫子珈琲非常有名气嘅,喺每日限量出炉,只造一批嘅天使之铃可丽露,大约下午1点左右出炉,焦糖香气十足,如果你遇上出炉时间,可以一试!
*实际出炉时间以店内公布为准

营业时间: 星期二至日 12nn - 7pm | 星期一全日休息
地点: 枫树街5号


撰文: HL