巴克莱亚洲锦标赛 决赛: 阿士东维拉 vs 车路士

作者: Timable, 2011年7月30日 (六) 下午6时31分

就咁,继Hello Kitty同Fiona Sit我系唔识之后,波,我都系唔识的!
不过,见咁大队车路士飞到过黎香港,仲要系对返英超,唔驶我飞过去英国睇,作为Event达人,冇奶油唔到下啦!
相就照影啦,讲就唔识讲嫁喇,吹都吹唔出...
识波之士,可以帮手讲讲!

小记对上一次来大球场系睇有个神奇队长的利物浦,今次系有个搞人妻的咸湿队长的车路士

布力般流浪3:0挫杰志夺季军

车仔主场

Cech!

开波30几秒,1:0...

快到冇朋友,搞到Aston Villa冇晒士气踢...

小记唯一一件波衫(朋友赠),就是林生~

如果渠地2个唔落场,要好似睇黄子华咁,嗌回水!
还好费托有波入,可以唔嗌~

=====后记1 + 笑话(真事)=====
小记中学读西史,miss教欧洲.
见到Estonia呢个国家名,渠译作:阿士东维拉!
自此,我就睇唔起某些教师了~
(Estonia的正确翻译是爱沙尼亚)

=====后记2=====
小记前2行的位置,有1大班港人friend.
中间霸多左2个位,应该系霸黎等朋友黎.
(我觉得冇问题,因为我都系迟到,朋友霸比我)
不过渠地霸位时,冇摆野霸.
于是有个貌似Edison的鬼仔,带住条港女,死都要坐落去,话渠地冇摆野.
初时我觉得各有各o岩,霸位比朋友系ok 的,但又可能外国culture系冇埋野即系坐得!
(小记未去过外国睇波,唯有怨自己乡下仔,冇理据帮渠地调解...)
但理论左一轮,条鬼仔完全唔理,仲突然抢左个女球迷支车仔旗想整断渠.
(但系整唔断,拗左...)
于是港人们就搵警察,警察叫左同个鬼仔理论o个个港人出去倾计.
10分钟后,唔知做乜个港人会死死气返黎,让2个位比鬼仔.
然后车仔就开波lu.
总结:
1/ 鬼仔同我地点culture gap都好,整烂人地支旗就一定系超冇品,以为鬼佬大晒(虽则其实系...唉...)
2/ 小记曾经试过同鬼佬同事驾着私家车停泊于必抄牌的位置等人,当交警准备埋黎抄牌时见到车上有2个鬼佬,就马上比油绝尘而去. 争位呢件事会唔会都系一样,怕鬼佬呢? 警察(就我所睇)好似冇同鬼佬讲过一句野,只系同个港人讲掂数就算.
3/ 整烂人支旗,都唔知有冇赔了.
这是一件我开开心心看英超中不开心的事.


Timable特约记者: 黑莓
摄影: 黑莓
30/7/2011