【打卡 x 艺术 x 海景野餐】文青周末游最Chill提案 @西九文化区艺术公园

等咗咁耐，终于到夏天喇！可以尽情同阳光玩游戏！但系去边度好呢？去沙滩？怕晒黑喎！去行山，我怕会中暑喎！点样可以玩得够舒服，有文青feel，又呃到like，仲可以食好西呢？小编今次介绍大家去西九文化区嘅艺术公园，呢度除咗有无敌大海景同一大片绿悠悠嘅草地之外，仲可以满足晒以上咁多个愿望！


第一个打卡景点就系艺术家同平面设计师Calvin Ho 喺自由空间留白Live House外墙嘅《Ensemble II》壁画喇！ Calvin亦用咗壁画上鬼马生动嘅角色设计咗一系列嘅Facebook同 IG filter，咁样打卡就更多like啦！

下载Facebook及IG filter: https://wk.org.hk/3hBxJPo


一路沿海边行，行到有少少攰，最啱就系嚟呢度遮下阴抖下凉。呢个系西九比赛展亭「Growing Up」，好有特色！不论自己喺度吹下海风，或者约班朋友嚟呢度倾计，睇下日落都几爽喎！


嚟到西九又点可以错过吸收文化气息嘅机会！充满文艺复古感嘅音乐三轮车游走海滨长廊，为大家带嚟动人音乐，点缀悠闲周末。艺术家张玮晋利用循环再造材料，设计别具本地情怀色彩嘅三轮车，上面更载有1960年代香港制造嘅曾福琴行摩利臣牌古董钢琴。
醉人黄昏下听住浪漫嘅爵士乐，真系好Chill呀～到时大家仲可以喺社交媒体上Tag #CyclingPiano #音乐三轮车，同朋友Share呢个与众不同嘅免费音乐会！

日期：8月7日起逢星期六及日
时间：下午5时30分至6时30分
地点：艺术公园及海滨长廊
即刻上 https://wk.org.hk/3yuU7jh ，睇吓有咩表演嘉宾先！



就喺自由空间嘅留白Live House，每逢周末都会有「自由空间音乐击」Live表演，唔好错过，今个星期有边个音乐单位表演？即上 https://www.facebook.com/groups/freespaceweeklygigs



喺壁画打完卡，又行完海边，有啲饿添，系时候食好西！西九呢度有咁多间特色餐厅，食正餐、轻食或者饮返杯都得，最重要系可以叫外卖，坐喺呢片草地上面chill住叹，仲可以免费借用沙滩椅，吹住海风，叹下美食，人生一乐也！

多间海旁餐厅及轻食店:
https://wk.org.hk/2UHUcRQ


大家不妨租用埋「悠游西九」单车，踩住渠喺艺术公园四围去，写意得嚟又唔怕脚仔软！


玩咗大半日，个个愿望都满足晒，仲可以欣赏埋日落！但系又唔驶依依不舍嘅，下个星期再嚟过咪得啰！西九文化区嘅艺术公园，日日都开放，等住你嚟玩！

前往方法：
1. 九龙站E4或E5出口，步行约10分钟
2. 于九龙站乘搭 26/74小巴直达
3. 设有F区、E区停车场 （消费满$200可享免费泊车优惠）
https://wk.org.hk/2U4TFcU

PS. 访客请保持社交距离并遵守羣组聚集之措施