最近出街都渐渐感受到阵阵嘅秋风凉意,就知道秋天就到啦!秋天当然系要同朋友去行山同埋BBQ啦~行山嘅同时仲可以睇埋风景打卡,校啱时间仲可以欣赏日出同日落,既然未有得去旅行,一于就行吓山当出走啦!今次为大家推介3条超级好行嘅行山路线,最适合同屋企人或者情人知己一齐去,一边倾吓无聊趣事,一边感受大自然嘅气息,chill住过周末。

港岛区行山点 1. 香港仔自然教育径

香港仔自然教育径算系比较平坦容易行,初段环绕香港仔下水塘而行,有唔同嘅打卡位可以影靚相,沿途仲可以眺望香港仔避风塘嘅景色。值得一提嘅系,上水塘水坝已被列为法定古迹,去到记得睇吓啦!


难度︰1/5
全长︰约1.2公里
时间︰约1小时

前往交通方式:
可乘搭公共交通工具前往「渔光村海鸥楼」巴士站附近,沿香港仔水塘道上行10分钟,到达香港仔郊野公园入口,从右边小路再走5分钟就便到达位于香港仔下水塘的自然教育径起点。

城巴路线 - 7 及 76
新巴路线 - 95 及 971
专线小巴路线 - 4A, 4B, 4C, 4S 及 52
公共小巴 - 香港仔至石排湾线

离开交通方式:
教育径的终点位于香港仔上水塘的主坝,巿民可以沿香港仔水塘道步行约 30分钟回渔光道巴士站乘车离去。

城巴路线 - 7及76
新巴路线 - 95及971



港岛区行山点 2. 大潭笃水塘石桥

要睇香港殖民时代嘅建筑,当然要去大潭水塘啦!大潭水塘由大潭上水塘、大潭副水塘、大潭中水塘及大潭笃水塘组成,拥有22个百年历史嘅法定古迹。水塘内嘅四座拱型石桥,以及石桥在湖上嘅倒影系最令人惊叹,呢啲维多利亚式古桥全部都系一级历史建筑。水塘内嘅石砌输水道、水掣房及水坝等古迹,都好值得大家去欣赏同影吓相㗎!


路线:
鰂鱼涌A出口 >>> 英皇道 >>> 柏架山道自然径 >>> 林边生物多样性自然教育中心 >>> 见到树木研习径转右 >>> 分叉口转右 >>> 分叉口转左 >>> 柏架山雷达站转右 >>> 大潭水塘

难度︰1/5
全长︰约8.5公里
时间︰约3小时

前往交通方式:
可乘搭公共交通工具前往「大潭郊野公园」巴士站。下车后,过对面马路便是大潭郊野公园入口。

新巴路线 – 14
专线小巴路线 – 16A, 16M 及 16X

离开交通方式:
大潭郊野公园巴士站有14号巴士往西湾河



港岛区行山点 3. 炉峰自然步道(西高山段)

呢条行山路线,就好似穿过历史迷雾跳入时光隧道咁,喺繁华嘅中环商厦与游客不绝嘅太平山顶之间,行上古雅逸然嘅百年栈道──卢吉道。由东面鲤鱼门至西面马湾海峡,将维多利亚港尽收眼底,亦可远眺尖沙咀闹市景色,以及狮子山及大帽山组成嘅山峦。

西高山上更有观景台,可以180度睇晒香港岛以西一带海域,包括青衣、大屿山及南丫岛。而沿港岛径第一段绕山南行,就系睇日落嘅好地方。行到尽头就系香港岛首座储水库薄扶林水塘,及超过150年历史嘅前水塘看守员房舍。


难度︰2/5
全长︰约4公里
时间︰约2.5小时

前往交通方式:
到达山顶后,沿山顶道向凌霄阁方向步行至卢吉道起点。

山顶缆车
新巴路线 - 15及15B
专线小巴路线 - 1

离开交通方式:
于薄扶林水塘道离开,步行约10分钟到达薄扶林道乘搭公共交通工具离开。

新巴路线 - 4, 91, 970 及 970X
城巴路线 - 7, 37A, 40, 40M 及 71
专线小巴路线 - 22, 22S, 23, 23M, 31 及 63



港岛区行山点 4. 砵甸乍山郊游径

呢条郊游径嘅优点就系交通方便,由石澳马塘坳起步,经过引水道一段后,景色会立刻变得开扬,仲可以见到另一郊游热点龙脊。往西铺展成大浪湾至石澳嘅海岸线及海湾,甚至睇到鹤咀半岛,最能感受香港环海嘅景色与魅力。沿途蝶影处处,中途亦有观海亭俾大家唞吓,欣赏清水湾半岛及东龙洲嘅岛屿风景,仲有柴湾同小西湾嘅市景。


难度︰2/5
全长︰约1.9公里
时间︰约1.5小时

前往交通方式:
乘坐巴士或专线小巴至石澳道「歌连臣角」站下车,沿路口右边石阶步行至车路后,再沿路向上步行约25分钟便可达郊游径入口。

新巴路线 - 9
专线小巴路线 -16M

离开交通方式:
沿歌连臣角道步行约45分钟到连城道,再沿路步行至环翠道后,沿地下铁指示牌步行至柴湾地铁站。



港岛区行山点 5. 康柏郊游径

呢条郊游径沿路可以欣赏附近嘅山脉翠绿美景、鸟语花香外,亦唔难发现周围都有奇石,小心观察及运用想像力嘅话,可能会发现行山人士口中嘅「恐龙石」。途中更可饱览鰂鱼涌一带之城市风貌,日落时分走在径上,更有机会听到猫头鹰嘅叫声。


难度︰2/5
全长︰约3.3公里
时间︰约1小时15分钟

前往交通方式:
乘搭途经英皇道的公共交通工具,于「新威园」或「鰂鱼涌街」巴士站或附近下车。沿英皇道步行至鰂鱼涌巿政大厦旁的柏架山道口,再沿路向上步行约45分钟,见鰂鱼涌郊野公园管理站指示牌后,转入管理站的路口,右边小径即为康柏郊游径起点。

港铁 - 鰂鱼涌站A出口

离开交通方式:
尾段接上卫奕信径第二段往下山方向行走,沿康怡花园旁边的小径接上马路,沿基利路步行下山往英皇道,续往东行可到达港铁太古站。


资料来源:渔农自然护理署
www.hiking.gov.hk

撰文:Athena