YouTube 影片


ViuTV 喺 2018 年首次举行《全民造星》呢个大型嘅男子选秀节目,出咗而家人气爆灯嘅 MIRROR,仲有 ERROR;第二年嘅《全民造星 II》,有 3 位参赛者后来组成咗 P1X3L;到咗 2021 年,《全民造星 IV》就打正旗号要组香港久违了嘅女团。


而今日—2022 年 1 月 12 号,呢队所有成员都嚟自《全民造星 IV》最后 20 强,名叫 COLLAR 嘅女团就带住成军首支单曲 《Call My Name!》 正式出道,成员包括有 Marf、Gao、Day、So Ching、Candy、Winka,Ivy 同埋 Sum Ling。团名 COLLAR 本身指衫领、锁骨,同时代表女性最迷人最具吸引力嘅位置,亦代表每次表演时,渠哋都想用最迷人嘅方式,由内到外散发出魅力,吸引大家欣赏表演。而 COLLAR 嘅标志更会随住唔同成员嘅组合而变色𠻹!

虽然暂时就未有公布 COLLAR 嘅官方粉丝名称,不过就已经有粉丝自称做「钮扣粉」。
(如果迟啲再多啲人讲呢个名,相信都会变咗 COLLAR 粉丝嘅「官方」名称)

讲完团,一齐嚟睇下各个成员嘅资料先啦 (排名不分先后):


Marf (邱彦筒)|粉丝名称:Muffin
IG:https://www.instagram.com/_marifemarife_/
喺参加《全民造星 IV》之前,Marf 因为热爱表演,所以由全职嘅兽医护士转为兼职,同时亦做过模特儿同舞蹈员。原来渠喺中学嘅时候跟过 MIRROR 嘅排舞师 Rock Sir 学跳舞,之后获得对方鼓励,就去咗参加呢个节目~ 除咗 Rock Sir 之外,连 MIRROR 成员 Anson Lo 卢瀚霆同队长 Lokman 杨乐文都曾经系渠嘅跳舞老师!

喺第一回合嘅前哨战,渠凭住《Pass that Dutch》嘅舞蹈表演,唔单止击败当时嘅对手,亦获得评判同导师嘅称赞,同时更收获大量网民支持,成为大热;而喺决赛,渠就用自己作曲填词,由另一位参赛者黄斯琪(CK)编曲嘅作品《The Law of Attraction》出赛,评判评分同观众投票都获得第一,令渠得到满分 40 分攞冠军,率先成为 COLLAR 一员。


队长 Gao (沉贞巧)|粉丝名称:饺子
IG:https://www.instagram.com/gagarieo/
Gao 喺参加节目之前,系位自由身教 Locking 嘅跳舞老师。

因为同 MIRROR 队长 Lokman 都系跳 Locking (甚至有人话渠哋有啲角度似样),所以畀传媒同网民叫渠做「女版 Lokman」或者「Lok-woman」;除咗跳嘅舞种一样,而家连喺团体内担任嘅位置都一样,都系队长!

喺决赛嗰阵,渠以跳唱表演《Fly As Me x 2 Legit 2 Quit》,加上自己最擅长嘅 Locking,令大家眼前一亮,之后喺 Dance Battle 亦有出色嘅表现,最后评判评分同观众投票嘅总分加埋有 37 分,获得亚军,成为第二位率先进入 COLLAR 嘅成员。


Day (许轶)|粉丝名称:Night
IG:https://www.instagram.com/6y_day/
Day 由高中开始跳舞,系 Kpop Cover 舞团 BRIGHTEN 嘅成员,亦入围咗 2021 香港区 K-pop 舞蹈比赛—CHOOM。喺渠 16 岁嘅时候,更加自己一个人去咗韩国做半年练习生,不过因为疫情就中断咗练习生生活返嚟香港。喺参加节目之前,渠都系啱啱考完 DSE~

喺决赛,渠就表演咗 Yumiko 郑希怡嘅《相对湿度》,最后评判评分同观众投票嘅总分加埋有 36 分,获得季军,成为最后一位率先进入 COLLAR 嘅成员。


So Ching (苏芷晴)|粉丝名称:师弟妹
IG:https://www.instagram.com/soching_nat/
So Ching 喺参加节目之前,系一位专业嘅舞蹈员,亦系跳舞老师。渠曾经帮过唔少艺人伴舞,最近期系喺 C AllStar 嘅《C AllStar 集合吧演唱会2021》作为舞蹈员之一,亦喺 MIRROR 成员姜涛喺 2021 年推出嘅单曲《Master Class》中作为对方表演时嘅其中一位跳舞拍档。

喺决赛,渠表演 IU 嘅《Coin》中文改编版本,最后评判评分同观众投票嘅总分加埋有 28 分,获得第 6 名。


Candy (王家晴)|粉丝名称:晴天蛙蛙
IG:https://www.instagram.com/candyw1219/
Candy 喺比赛之前,已经以标致嘅外貌成为其中一位大热。不过喺第一回合嘅前哨战唱《红绿灯》嘅时候就失准,之后畀导师许廷铿选中成功复活。

渠喺决赛表演咗 Jace 陈凯咏嘅《收声多谢》,系渠第一次挑战型格嘅表演,最后评判评分同观众投票嘅总分加埋有 23 分,获得第 8 名。而监制花姐亦喺决赛后接受传媒访问嗰阵点名赞渠进步唔少。


Winka (陈泳伽)|粉丝名称:泳瓜
IG:https://www.instagram.com/winka_chan/
Winka 读紧书嘅时候,已经因为唱歌而喺学校里面少有名气;喺大多数同辈都准备紧 DSE 嘅时候,渠就选择咗退学,成为一个全职歌手;喺参加节目之前,更加已经有自己嘅派台歌曲。

喺决赛嘅时候,渠表演咗张惠妹嘅《母系社会》,话想送呢首歌畀社会上嘅女性同自己嘅妈妈。最后评判评分同观众投票嘅总分加埋有 25 分,获得第 7 名。


Ivy So (苏雅琳)|粉丝名称:苏虾
IG:https://www.instagram.com/ivyysooo/
Ivy So 本身系香港中文大学护理系嘅学生,因为参加《全民造星 IV》呢个节目而放弃升读。

渠系其中一位人气最强嘅成员,亦系「外貌担当」。

决赛嘅时候,因为参赛编号系 1 号,所以成为咗第一位出场嘅参赛者,演唱嘅歌曲系 Yoyo 岑宁儿嘅《勿念》,渠话想以呢首歌为离乡别井嘅香港人打气。最后评判评分同观众投票加埋嘅总分有 20 分,获得第 10 名。


Sum Ling (李芯駖)|粉丝名称:鸡汤
IG:https://www.instagram.com/lisumlingg/
芯駖喺参加节目之前,已经喺跳舞界活跃多年,系一位专业嘅舞者同跳舞老师,亦有帮手组织特别嘅节日表演团队,同埋编舞。

渠喺大学二年级嘅时候加入咗 DanSo (舞蹈学会),跟当时 DanSo 特意邀请嘅香港资深舞蹈家陈绍杰跳舞,后来仲畀对方邀请担任助教,期间亦获得各式各样嘅商业演出机会;之后更加被选中成为郭富城演唱会嘅伴舞团成员之一,亦跟过孙燕姿同林忆莲嘅团队,做世界巡回演出!

喺最后嘅分组赛,当时组别嘅所属导师,MIRROR 成员 Anson Kong (AK) 江𤒹生,都有提过曾经跟芯駖学跳舞㗎!

渠喺决赛嗰阵,改编咗王菲嘅《白痴》嚟做表演,阐述返自己参加比赛嘅心路历程。最后评判评分同观众投票加埋嘅总分有 33 分,获得第 4 名。


撰文:小薯仔,各成员简介由网上资料整理而成
照片来源:COLLAR IG


Follow埋Timable FB同IG
FB:https://www.facebook.com/timable.hk
IG:https://www.instagram.com/timable/

立即下载Timable App,随时随地捕捉本地活动资讯
iOS/Android:https://bit.ly/timable_app