农历新年快到,原来唔讲唔知,新年有好多传统习俗同禁忌要留意㗎!想今年顺风顺水,就睇下小T整合嘅农历新年宜忌习俗懒人包,一文睇哂初一到初九新年期间有咩要做先~




年廿四、年廿五:准备传统贺年食品
根据传统习俗,新年期间唔可以开炉。所以年廿四「开炸」,即开油鑊制作油炸食品,如煎堆、炸油角等,而年廿五「蒸糕」,将会准备蒸萝卜糕、年糕等。因为油炸食物色泽金黄有旺气、糕点亦有步步高升意思,准备呢啲食品,寓意新一年将会更旺。

年廿八:洗邋遢
所谓「年廿八、洗邋遢」,每到年廿八,就要全家总动员大扫除。将旧事黑气全部清走,去旧迎新,咁先可以迎接财神同旺气入屋!


年廿九:贴挥春、用碌柚叶冲凉
年廿八大扫除后,就可以布置家居,准备迎接新一年!呢一日仲可以用碌柚叶冲凉,代表洗走霉气,准备新一年事事顺利。


年三十:团年饭、派发压岁钱、卖懒
除夕夜一家人聚首一堂食团年饭。团年饭又称「年夜饭」,菜式会比平时丰富,亦会以「意头菜」为主,比如准备发菜、蚝豉等,象征「发财好市」 。亦会准备汤圆做甜品,象征一家人团团圆圆。亦要注意,团年饭当晚嘅饭餸都要预备多啲,寓意「年年有余」。

年三十晚,长辈亦会派利是俾晚辈,压系枕头下,保佑平安。而小朋友就要「卖懒」,拎住红鸡蛋出门唱歌「卖懒!卖懒!卖到年三十晚...」,然后返家前食咗粒蛋渠,就成功卖懒啦!
唔少人团年饭后会去行年宵花市,买啲年花返屋企,为屋企添试一份喜气,可惜今年疫情关系,所以花市取消咗!虽然系咁香港仲有好多地方买到年花㗎~
无咗年宵花市点算好?2022香港买年花好去处:
>>>>更多详情:https://timable.com/blog/2122873 <<<<

点解今年无年三十?
>>>>更多详情: https://timable.com/zh-hk/blog/1083286 <<<<



年初一:着鲜色新衫去拜年,着红、紫、金色添好运
拜年最适合着鲜色衣服,寓意「鸿运当头」,除咗辟邪,更添喜气。相反,新年最忌着黑白色,因为黑白系传统丧服颜色,所以相当唔吉利!新一年新开始,都要买套新衫俾自己,象征去旧迎新~

年初一 禁忌1:洗头、冲凉、洗衫
年初一嘅禁忌非常多!年初一传统上系唔可以冲凉、洗头同埋洗衫,因为「洗」同「死」系谐音,会将好运同财运全部洗走!

年初一 禁忌2:扫地、扔垃圾
除咗洗嘢,呢日都唔可以洒水、扫地同埋扔垃圾,因为咁做会将财神送走,亦会赶走哂啲财气㗎~

年初一 禁忌3:打烂嘢
年初一要小心摆放易碎品,由其系拜年常用到嘅茶杯!打烂嘢今年就会破财运,如果唔小心打烂嘢,就用红纸包住,再默念「岁岁平安」、「落地开花,富贵荣华」等吉祥语。

年初一 禁忌4:瞓晏觉
大年初一记紧唔好瞓晏觉,古训有云「禁昼寝」,劝人唔好太懒散,大年初一瞓晏觉,会影响新一年嘅事业运呀~

年初一 禁忌5:食粥、泡饭、咸汤丸、忌煮新饭
食粥、泡饭或稀饭系古人贫穷嘅象征,所以如果年初一食粥就有成年都穷嘅意思。另外都唔好食咸汤丸,因为咸汤丸又叫「乞丐饭」,食咗嘅话象征成年都唔会富贵。另外都记紧初一唔开炉,要食年三十净低嘅过年饭,寓意上年食物食唔哂,年年都有余。


年初二:出嫁女儿返娘家
已经出嫁嘅女儿初一、初四、初五要避免回娘家,最适宜喺初二、三返娘家,俗称「回门」。回娘家拜年时,记得要准备双数礼物。

年初三 :赤口忌拜年
大年初三系赤口,又称赤狗日,呢一日容易同人起争执,唔适合去拜年。

年初四:迎灶神
年初四不宜外出,初四系传统民间接神日,需要留喺屋企准备祭品,迎接众神、灶王爷同埋家神回来守护家人。传说灶王爷会点名点人数,所以呢日就唔好外出啦。

年初五:送穷、祭财神
初五俗称「破五」,喺呢日就要将屋企打扫干净,亦称为「赶五穷」(即智穷、学穷、文穷、命穷、交穷)

年初六:启市
呢日百无禁忌~

年初七:诸事不宜
初七系 「人日」,系所有人嘅生日!另外呢一日亦系「七煞日」,诸事不宜,好多嘢都唔啱做,唔好去远门呀~

年初九:忌晒衣服
年初九为玉皇大帝嘅生日,为表尊敬,呢日就唔好晒衫啦!


过年期间禁忌1:使用利器、剪甲剪发
新正头期间,记得唔好剪指甲同头发,利器有「破」「凶」之意,容易破财,亦影响家宅平安,所以新年期间应避免使用刀、剪刀等等利器。新年亦唔应该剪头发,由于「发」「发」同音,剪发容易解剪断埋发财路,所以要剪头发最好过年前剪定啦。

过年期间禁忌2:正月忌买鞋
新年唔好买鞋,因为「鞋」同「唉」相似,斯年买鞋容易一整年都唉声叹气,样样都会唔顺利。想买鞋记得初十后先好买呀~

过年期间禁忌3:债务唔带去新年、唔追债
新年前记得将所有债务还清!如果唔系呢一年就会一直欠住对方,运程会变差唔,还清债务亦有寓意重新开始~另一方面追债都系一件唔吉祥嘅事,追债会令自己今年诸事不顺㗎!




撰文:Ro
图片来源:Unsplash、Pexels


12款传统常见年花寓意懒人包
>>>>更多详情:https://timable.com/blog/2123024 <<<<

【新年礼盒2022】拜年送礼送咩好?8间本地良心店贺年礼盒推介|手工曲奇蝴蝶酥/台湾凤梨酥/自家制汤包
>>>>更多详情:https://timable.com/blog/2123462 <<<<

一按即睇 酒店新年美食推介 年糕/盆菜/礼盒合集:
>>>>更多详情:https://timable.com/blog/2111483 <<<<

【新年糕点2022】不断更新!10间良心小店贺年糕点推介 传统/创新口味/台湾特色糕点​
>>>>更多详情:https://timable.com/blog/2117061 <<<<

【农历新年2022】超齐全!虎年新春主题香港口罩合集 内附订购连结
>>>>更多详情:https://timable.com/blog/2119375 <<<<

【新年好去处2022】虎年亲子/拍拖打卡玩乐推介+鸡肋位|新年手作年宵市集美食合集
>>>>更多详情:https://timable.com/blog/2117500 <<<<

【农历新年2022】热门新春主题工作坊 达摩陶瓷体验 家庭乐必玩和谐粉彩
>>>>更多详情:https://timable.com/blog/2120335 ​<<<<

【农历新年2022】麦玲玲十二生肖2022虎年运程全面睇 一文睇哂整体运势 (虎兔龙蛇篇)
>>>>更多详情:https://timable.com/blog/2113373 <<<<
【农历新年2022】麦玲玲十二生肖2022虎年运程全面睇 一文睇哂整体运势 (马羊猴鸡篇)
>>>>更多详情:https://timable.com/blog/2117433 <<<<
【农历新年2022】麦玲玲十二生肖2022虎年运程全面睇 一文睇哂整体运势 (狗猪鼠牛篇)
>>>>更多详情:https://timable.com/blog/2117434 <<<<

【农历新年2022】热门新春主题工作坊 达摩陶瓷体验 家庭乐必玩和谐粉彩
>>>>更多详情:https://timable.com/blog/2120335

【农历新年2022】换新钞2022 3大发钞银行兑换攻略 疫情下特别安排
>>>>更多详情:https://timable.com/blog/2121522