最近天气咁好,但又冇咩地方好去?好多人都会选择去行山露营,感受吓大自然嘅气息。新手入门嘅你哋,一定对于购买露营物品无从入手。今次就为你地推介多款露营必需品,仲可以跟着我哋个checklist嚟执行李出发!


首先同大家讲吓,有啲咩系一定要买嘅先啦!大家怕重嘅话,可以搵多啲人一齐去,帮手分担吓物品嘅重量~

小贴士:选择较轻嘅物品,方便携带,就算贵少少都系值得㗎~

如果想体验吓露营,但又唔想买咁多装备嘅话,可以试吓租私人场地玩吓先~

豪华观星露营体验 连BBQ烧烤套餐
详情:https://timable.com/event/2088435



浪高长岸豪华露营/露营车+水上活动体验
详情:https://timable.com/event/2130684


露营必需品 checklist:


1. 露营帐篷
露营露营,最重要当然系个营啦。大家最好就选择较轻嘅营,有啲营系就系平啲,不过真系好有份量,带上山一啲都唔容易。
小T推介:MSR营
骨架为碳纤维材质,比一般嘅铝合金营更加轻,仲有抗风效果,大风嘅时候弹性较好,唔会轻易吹到变形。红色白色嘅设计,用嚟打卡都相当靚㗎~


2. 防潮垫
防潮垫会铺喺帐篷与地面中间,用嚟隔绝地面湿气及保护帐篷底布,咁就冇咁冻同湿。通常都会跟返自己选择嘅营嚟购买,选择返同个营差唔多大细嘅垫。


3. 睡袋
上山嘅气温比市区更冻,一定要拣返个啱香港天气嘅睡袋。就算系夏天去,都可以摊开睡袋当地垫,咁瞓落去就冇咁硬啦!
小T推介:Reecho 羽绒睡袋
Adventure Light 0 木乃伊形羽绒睡袋 啱晒香港嘅天气,就算冬天上山都够暖。女仔仲可以选择另一款女装睡袋,充绒量会增加至10%,而男装睡袋则增至5%。

另外亦有Zip Together嘅设计,睡袋分左或右拉链,可与同款木乃伊睡袋合二为一成为双人睡袋,咁就可以同另一半瞓埋一齐啦!


4. 充气枕头
枕头就未必个个人需要,但如果想买返个嘅话,可以跟返自己选择嘅睡袋牌子买,又或者去迪卡侬DECATHLON平平哋买返个,最平$49已经有~


5. 营钉
购买露营帐篷嘅时候会有埋营钉,用到弯咗就最好买过啲新㗎啦,要补购嘅话可以去一般露营舖,每支大约$5起。

6. 营槌
可以选择胶营槌,会比较轻,又或者喺营地执旧石仔用都可以。



7. 露营枱
去露营煮嘢食必定要有张露营枱,大家千祈唔好喺地下生火啊!
小T推介: Snowline Cube Carbon Table 露营折枱
Snowline嘅露营折枱有一人用嘅backpacker款,亦有M3/M4/L5/L6款,两个人去可以选择M4或L5。如果同一大班人一齐去,仲可以拼埋一齐用。折台嘅材料选用超轻嘅碳纤杆,拎上手都唔会好重。另外亦有专用嘅炉孔板,放入合适嘅炉头,就更加悭位啦!


8. 炉头
可以因应个人嘅煮食习惯,而选择唔同嘅炉头。建议新手入门可以用座地气炉,会比较容易控制,调节火嘅大细。

小T推介: Snowline 座地气炉
Snowline 嘅座地气炉可以配合返专用炉孔板嘅大细,咁就可以有更多空间煮嘢食啦!


9. 高山气/边炉气
高山气喺高山上面使用会较为稳定,适合大多数嘅露营炉头,但价钱就比较贵。
边炉气嘅气压亦相对冇咁稳,价钱亦平好多。
由于香港嘅山都唔算话好高,其实用边款燃料都唔会太大分别,如果使用边炉气嘅话,记得买埋边炉转换器啊!

边炉气大约$10一支;高山气大约$60一罐。

10. 煮食工具+食物
要视乎几多个人去,而决定买几多煮食工具同食物。最起码要一个平底鑊、水煲、煮食鋏同鑊铲。碌落文章底部有简易露营食谱连结~


11. 挡风板
上山太大风的话需要用到挡风板,如果唔系就会浪费晒啲燃料,啲嘢食煮好耐都唔够热。

12. 打火机
要生火煮嘢食,又点少得打火机呢?大家亦可以带定火柴或打火石,以备不时之需。


13. 露营椅
去户外露营就系想chill吓,当然唔少得一张舒适嘅露营櫈啦!如果觉得太重嘅话,蛋壳坐垫都系一个唔错嘅选择。

小T推介: Naturehike 超轻户外铝合金折叠月亮椅
Naturehike 嘅露营产品相对比较便宜,坐落去比起snowline嘅更加舒服,CP值高!


14. 杯/碟/餐具
最好就购买比较轻身嘅杯同埋碟,便于携带。
餐具方面,可以选择一啲能够折埋嘅叉同匙羹。
市面上有啲二合为一嘅叉匙羹,小T就觉得冇咁好用,大家可以因应自己嘅喜好去购买。


小T推介:无印良品 MUJI 槐木碟
槐木餐具展现天然木嘅深浅色彩同木纹,打卡一流!

小T推介:Snow Peak Titanium Mug 钛杯
有单层及双层可以选择,双层保温性能较高,单层价钱就比较实惠。
两者都系钛金属材制,轻盈之余仲可以直接加热。

15. 照明灯
夜晚必须要有光线充足嘅照明灯,咁先可以煮到嘢食㗎~

15. 电筒+头灯
手提电筒或头灯方便大家晚上行去其他地方活动,去厕所都方便啲!

16. 垃圾袋
自己嘅垃圾要自己带返走,尽量唔好留喺郊外地区,要带返出市区掉啊。

17. 急救用品
放啲简单嘅药物、生理盐水及胶布等,就算有咩意外都可以自行急救先。

18. 充电器 尿袋
喺郊外有咩意外需要用电话,都要有电先用到,冇理由唔带尿袋去啩~

19. 替换衣物
去一晚嘅话,最好带定一至两套衣物替换,流汗或者落雨整湿咗都有得换。




【香港露营2022】8件露营好物实用推介|$12店都买到煮饭神器及配件
详情:https://timable.com/blog/2131790


【露营食谱】10款简易露营美食|内附煮饭神器食谱
详情:https://timable.com/blog/2133939



立即下载Timable App,随时随地捕捉本地活动资讯
iOS/Android: https://bit.ly/timable_app



撰文:Athena