讲起郑中基,你可能会諗起渠系一个歌手,唱过〈无赖〉、〈我代你哭〉、〈三生有幸〉,甚至〈死啦啲青春痘〉;你可能会諗起渠系一个演员,做过《行运超人》嘅「断蟹」、《龙咁威》嘅「龙威」、《低俗喜剧》嘅「暴龙哥」,或者系近年电视剧《暖男爸爸》嘅「阿荣」;你又可能会諗起渠有执导过电影,甚至諗起渠系一位喺相片分享网站上好出名嘅摄影师。


但系而家,你諗起渠,可能会系渠嘅新身份—YouTuber。因为 2020 年 3 月开始,渠同经理人湘姐,以及助手 Stephanie 正式营运 YouTube 频道「机动电视台 RTV」 (编按:其实真正开台系 2018 年 11 月,不过当时并唔活跃),不定期上载唔同类型嘅影片,甚至开过网上直播,亲自同一班「自机友」(频道订阅者名称) 讲下唱歌心得。

点解当初渠会想「转型」做 YouTuber 呢?除咗系被湘姐「说服」外,之前接受媒体访问时都有提到,渠本身都有睇开啲 YouTube 片,喺拍摄等埋位嘅空档亦成日会睇到 YouTube 上有好多正嘅嘢,而渠自己又好钟意拍嘢,所以都会諗如果有一个 YouTube 频道的话会拍咩呢~喺各种因素驱使下,就令渠步入咗 YouTuber 行列。


喺 2021 年 8 月,YouTube 频道达到 30 万订阅人数嘅时候,渠哋就喺海洋公园怡庆坊举行咗一个免费嘅粉丝见面会,亲自同被选中入场嘅「自机友」见面,报答渠哋嘅支持,而到今日将近两年嘅时间,已经拥有超过 39 万订阅者,上载影片嘅总观看次数亦超过 2 千 7 百万次!应该都系艺人嘅 YouTube 频道中,比较多人睇嘅其中之一。

有好多 YouTube 频道都设有会员制,提供一啲福利同埋专属影片内容畀月费订阅会员。「机动电视台 RTV」都唔例外,喺上星期正式推行「自机友」会员制。如果希望了解更多,都可以去渠哋嘅社交平台睇返详情~

讲咗一大轮,相信大家都想知道呢个频道究竟有咩片,小薯仔就精选咗以下系列:

[Hashtag] 匪夷所思系列
https://www.youtube.com/playlist?list=PLsWfvarU2fRKkwA-js2UsJMcW1L9S2emH
每次都会有特定主题,再请观众喺社交平台上就住该主题留言投稿。呢个系列其实可算系而家「机动电视台」嘅「皇牌」,最多人睇之余,亦系最大回响,同最多人觉得好笑嘅系列。

而喺读出或者加啲演绎落投稿嘅同时,郑中基都会分享渠自己同该次主题相关嘅一啲趣事 / 经历。
(有时渠自己都忍唔住笑,所以渠都会叫人唔好食饭嗰阵睇,费事大家哽亲咁话~)


一人一个学校之匪夷所思
https://www.youtube.com/watch?v=W8vd2ulZBGs
呢条片收集咗好多投稿人读书时期,喺学校发生嘅好笑事,或者系真‧黑人问号嘅事。可以话系呢个系列嘅开端,亦系「机动电视台」第一条过 100 万观看次数嘅片。

一人一个学校之匪夷所思 PART 2
https://www.youtube.com/watch?v=k96rzrtdTMA
因为上面条片一推出嘅反应非常热烈,亦好多人钟意,所以渠哋再次以同一主题收集投稿,拍咗呢段 Part 2 出嚟。

有留意开郑中基嘅人,应该已经习惯近年渠哋打招呼嘅方式系用「Wee」,但对于其他人可能就会有啲一头雾水。其实「Wee」嘅出处正正就系呢条片嘅其中一个投稿,讲投稿人嘅老师将「喂」读咗做「Wee」。留言好多人,甚至渠哋自己都觉得呢个好好笑,讲下讲下,笑下笑下,最后就变成「机动电视台 RTV」仲有团队嘅一个标志。


一人一个拍拖之匪夷所思 Ft. 十万个激嬲女友的理由
https://www.youtube.com/watch?v=k96rzrtdTMA
应该有冇另一半嘅人,睇呢条片都会觉得好笑!睇返片下面嘅留言,好多人都话系笑得最开心嘅情人节 (渠系 2021 年 2 月 14 日上载嘅)。

同时呢条片嘅片尾亦都新增咗一个小环节叫「啷读 C 生暴龙哥」,郑中基会以《低俗喜剧》角色「暴龙哥」所使用嘅广西腔去读一啲「潮文」。


一人一个婚礼之匪夷所思 crossover Ft. Pomato 小薯茄
https://www.youtube.com/watch?v=l3HsX7zDZuo
讲咗拍拖,点都要讲埋结婚嘅~

呢条片同其他匪夷所思系列片有啲分别 :今次投稿唔系郑中基坐喺度斋讲,而系联同另一个 YouTube 频道「小薯茄」一齐做咗套短剧去呈现出嚟,亦系「机动电视台」嘅第一个短剧。

一人一个四大长老之匪夷所思
https://www.youtube.com/watch?v=-5TUWTbxb9Q
同爸爸妈妈一齐睇呢条片的话,唔知渠哋会系咩反应呢?


一人一个工人姐姐之匪夷所思
https://www.youtube.com/watch?v=NxVP_tMhfIw
相信屋企有工人姐姐嘅人,应该有时都唔太理解渠哋一啲行动 / 说话,继而闹出咗唔少笑料又或系无奈。而郑中基喺呢条片都分享咗好几个自己嘅经验,仲好笑到令观众都想渠出一条片专讲自己屋企嘅!

工人姐姐之匪夷所思 Part.2 爆笑回归
https://www.youtube.com/watch?v=NhpU4lrZBc4
同「学校」主题一样,因为第一条片太好反应,不断 keep 住有人留言投稿讲自己嘅工人姐姐,所以就再次用呢个主题拍 Part 2!渠哋仲话因为太好笑,搞到剪片都好难㖭呀!

呢条片到今日为止,其实只系出咗几日,但系仍然系 YouTube 热门嘅第 3 位,可见都好多人钟意~

Reaction 系列
https://www.youtube.com/playlist?list=PLsWfvarU2fRI1GneuOn38dUVfS_azZ3sC
呢个就冇好似上面「匪夷所思系列」咁,有一个特定嘅关键字喺影片标题。不过话明叫 Reaction,所以郑中基当然系会对某个主题作出反应,例如系听人哋翻唱渠嘅歌、同团队买一啲「无谓家品」返去做实测,同埋翻睇返自己嘅旧 MV 再讲下同拍该 MV 当时嘅事。


听你哋翻唱我啲歌 (上)
https://www.youtube.com/watch?v=tRyDbHl9VUM
听你哋翻唱我啲歌 (下)
https://www.youtube.com/watch?v=inPq0w8FWY0
听你哋翻唱我啲歌 #3
https://www.youtube.com/watch?v=EofCksN_Ffk
呢几条听人哋翻唱渠嘅歌再畀评语 (建议),并分享一啲唱歌小心得嘅片,相对上会比较认真。而 #3 嗰条片中, MIRROR 成员陈卓贤 (Ian) 之前喺 MOOV Live 呢个活动中翻唱〈闭目入神〉嘅片段都有「入选」。

其他


2022 年新春特备节目
https://www.youtube.com/watch?v=EwkJjviFVto
渠哋有个叫 [DOFEST] 嘅系列,系以一啲节日为主题去拍嘅。而呢条就系今年农历新年出,仲系全个团队一齐出动。睇完真系笑到停唔到!里面都有一个环节讲下点应付一啲亲戚会问嘅问题,可以睇定嚟留返下年用啊!

碍于篇幅所限,小薯仔冇办法逐一介绍所有片,所以都只系拣咗啲比较多观看次数,而且主观上都几钟意嘅出嚟。如果大家对呢个 YouTube 频道都有兴趣,可以直接去 https://www.youtube.com/channel/UC7Zayxj2DitG-4C7JMUfd4w 收睇渠哋其他片。希望渠哋嚟紧都可以出更多其他类型嘅片啦!

另外附上频道同主要成员嘅 IG
郑中基:https://www.instagram.com/tinyeyes39
湘姐:https://www.instagram.com/sheung_sheung_sheung
Stephanie:https://www.instagram.com/mama.step
机动电视台 RTV:https://www.instagram.com/rtv_runningteam

注意:大部分影片都含有粗口,如果听到粗口会打冷震,揿入去前记住要三思啊!


撰文:小薯仔
资料来源:网上资料及媒体访问
照片来源:「机动电视台 RTV」YouTube 上载之影片截图及社群;郑中基 Instagram 及 Facebook


Follow埋Timable FB同IG
FB:https://www.facebook.com/timable.hk
IG:https://www.instagram.com/timable/

立即下载Timable App,随时随地捕捉本地活动资讯
iOS/Android:https://bit.ly/timable_app