越嚟越多人都钟意开返个 YouTube 频道,拍下各种唔同嘅片再上传同大家分享。除咗全职嘅YouTuber 之外,亦有唔少艺人会开设属于渠哋自己嘅频道,拍下 vlog,同粉丝分享下工作上嘅幕后故事或者系拣一啲有趣嘅主题嚟拍片。

近年人气旺盛嘅 MIRROR 都唔例外,团体官方嘅频道以上传歌曲 MV 为主 (出道初期都有「100 问」呢类了解成员嘅主题),不过当中有开自己 YouTube 频道嘅成员,虽然都系不定期出片,但系影片主题就唔止限于音乐,相对上就比较多元化少少~

一齐嚟睇下到目前为止有咩成员有开个人频道啦:

1. 以成员英文名之顺序排列
2. 放出嚟嘅影片有小薯仔主观推介嘅,亦有喺该频道里面观看次数相对较多嘅
3. 由于篇幅所限,未能摆上每段影片嘅示意图,敬请见谅


Alton 王智德
Youtube 频道:ALTON WONG ( https://www.youtube.com/c/ALTONWONGZ
个人 IG:https://www.instagram.com/altonwongz
Alton 喺频道中上传嘅影片其实都几多唔同种类,有 vlog、有一啲「小剧场」、有讲下之前人气强劲嘅 “ Clubhouse” 应用程式,甚至会「恶搞」MIRROR 成员个人歌曲嘅 MV。

[认真做咩野] 系列
https://www.youtube.com/playlist?list=PL4kAKgKWHc9LSc3Bx2QfWS0NXjKrIeFcu
呢个系列放咗一啲渠好认真亦好享受做,但系其实可能人哋会觉得系无聊嘢嘅事。


特_登 - Alton, Lokman, [email protected]
https://www.youtube.com/watch?v=bAlukpBpG8k
上面提过 Alton 会「恶搞」MIRROR 成员个人歌曲嘅 MV,呢条片就系其中之一!以成员 Anson Kong 江𤒹生 (AK) 喺 2020 年推出嘅个人单曲〈特登〉为灵感,邀请咗队长 Lokman 同成员 Tiger 一齐组成「雨天家族」,拍摄咗呢条叫「特_登」嘅片!而原本嘅主角 AK 都有喺片中参与演出,另外都仲有一位 MIRROR 成员出现㗎~

姜涛 Alton 首支合作单曲 蒙着嘴说 _ _
https://www.youtube.com/watch?v=0p_OtlOfDpc
呢条只系 1 分钟嘅片,好似 Alton 自己喺原本嘅影片标题所讲,系一段彩蛋。拍低咗 2021 年 MIRROR 演唱会后台,渠喺姜涛唱紧〈蒙着嘴说爱你〉嗰阵,唱咗一小段呢首歌曲嘅改词版。小薯仔觉得几过瘾同「啜核」,唔知又会唔会引起大家嘅共鸣呢?

六分钟 Work Out 片原来好辛苦!? Dua Lipa - Let's Get Physical Work Out Video COVER
https://www.youtube.com/watch?v=5bIG60kJJWM
呢条片渠搵咗一班朋友,包括几位 MIRROR 嘅成员,一齐玩,仲自己做埋导演同剪片。片下面嘅留言都话同 Dua Lupa 嘅原片相比,还原度近乎 100%~而家成日都留喺屋企,不妨一路睇呢条片一路郁下自己嘅身体,跟渠哋做个小小嘅 Work Out 呀!

[卡关直播] 系列
https://www.youtube.com/playlist?list=PL4kAKgKWHc9LPekW8IafnfdHC-PLwKhcl
其实渠嘅频道有个好大特点,就系有时间嘅时候,会直播自己打机,畀蛋白粉 (Alton 粉丝名称) 同渠一齐经历游戏世界,打紧机嘅同时都会读下留言,同渠哋交流下!有时又会将啲游戏角色改名,等睇紧渠直播嘅观众容易记得之余,都可以一齐投入~

不过同大部分玩家所开嘅打机直播一样,渠嘅打机片时长多数都喺个几至两个几钟内,所以如果想睇晒全场,喺自己比较多空闲时间嗰阵揿入去就会比较好。


Anson Kong 江𤒹生 (AK)
Youtube 频道:Anson Kong ( https://www.youtube.com/c/ansonkong1016 )
个人 IG:https://www.instagram.com/_kisang_
Anson Kong 嘅 Youtube 频道,上传影片嘅种类相对上亦算系比较多,除咗工作嘅幕后花絮同 vlog,亦有一啲歌曲翻唱,同搵埋 MIRROR 成员一齐玩游戏。


Anson KIS'chen系列
https://www.youtube.com/playlist?list=PLoRuSWBe5dm4xRIWKo_aHD1vmwPnq_oZL
煮嘢食系占 AK 频道影片数量最多嘅一个题材!渠亦帮呢个煮嘢食嘅系列命名为 “Anson KIS'chen”。

今晚厨房边个话事|江陈记厨房|三餸一汤煮饭篇
https://www.youtube.com/watch?v=_B4OuidCUb4
呢条片搵咗 MIRROR 成员 Ian 陈卓贤嚟一齐「煮饭仔」!由买到煮,都系渠哋两个一齐分工合作。喺煮饭嘅过程中,当然亦唔少得渠哋互相斗嘴嘅部份啦~

其实未諗到食咩嘅大家,睇片除咗睇人之外,都可以睇嚟攞下灵感 (不过而家买唔买到材料就小薯仔都唔敢讲)。

其他
友情揿钟仔 ft. Lokman, Tiger

https://www.youtube.com/watch?v=TH0Tt6VedCk
友情揿钟仔 ft. Alton, Frankie, Lokman, [email protected]
https://www.youtube.com/watch?v=uBis1N003mw

全民造星1问答大会
https://www.youtube.com/watch?v=U27BOuy_LWs
「友情揿钟仔」嘅两条片,仲有「全民造星1问答大会」亦都系搵咗 MIRROR 嘅成员嚟一齐拍,透过问答睇下大家了唔了解对方~

「友情揿钟仔」里面问嘅问题,都会由渠哋自己预先写低答案;「全民造星1问答大会」当然就系同渠哋参加《全民造星》当时经历过嘅嘢有关啦,答完问题会有「惩罚寿司」,成员 Frankie 亦因为呢条片而获得「化学老师」嘅别名㖭~

如果想了解多啲渠哋的话,揿入去睇都系个好选择嚟㗎!


Anson Lo 卢瀚霆
Youtube 频道:Anson Lo ( https://www.youtube.com/c/AnsonLoHonTing )
个人 IG:https://www.instagram.com/ansonlht
喺 Anson Lo Youtube 频道上传嘅影片中,虽然都会有啲小游戏,但系比较多嘅会系记录日常生活嘅vlog、关于渠嘅 Q&A,同工作幕后花絮呢几类题材嘅片,可以畀「神徒」(Anson Lo 粉丝名称) 睇到更多渠喺舞台下嘅面貌。

神徒与教厨系列
https://www.youtube.com/playlist?list=PL7MkTCIjapGrOensGBdIhH7NZyzhSl5eK
睇个名都知呢个系列其实都系有关煮嘢食嘅。Anson Lo 跳舞唱歌就睇得多,可以透过呢个系列睇下渠入厨房嗰阵系咩样~

【神徒与教厨】Edan教主大比拼
https://www.youtube.com/watch?v=U27BOuy_LWs
呢条片嚟讲呢,应该系小薯仔睇过最「精彩」嘅一段煮食片。Anson Lo 喺片中嘅「原块煎冬瓜」同「倒晒成樽盐」,仲有 MIRROR 成员 Edan 嘅「徒手榨西瓜」,相信都系粉丝心目中嘅「经典之作」。

其他
帮家姐化妆

https://www.youtube.com/watch?v=Ucc3IaWbVdw
有兄弟姊妹嘅大家,相信唔嗌交已经算关系好好,更遑论会帮渠哋化妆呢啲啦。不过 Anson Lo 呢条片就邀请咗自己嘅亲家姐出演,仲挑战帮渠化妆!当然渠家姐都唔系只系坐低畀渠化妆咁简单,亦讲咗好多 Anson Lo 嘅秘密~

《愚人节特辑》打电话意外流岀秘密?(ft. 姜涛 Edan 教母)
https://www.youtube.com/watch?v=HMMosYNyQPY
喺愚人节,应该都会同过身边嘅人开一啲玩笑。而 Anson Lo 亦喺愚人节打电话同 MIRROR 成员姜涛、Edan,仲有自己妈妈玩咗个小游戏,想渠哋讲出一啲渠预设咗嘅答案~虽然唔系每个人都成功,不过 3 位都好认真听呢个电话。


Edan 吕爵安
Youtube 频道:Edan Lui 吕爵安 ( https://www.youtube.com/channel/UCP8e0aRdQLQKSQwFeXIlkQQ )
个人 IG:https://www.instagram.com/edanlui
Edan 喺 Youtube 频道上传嘅影片,早期以《全民造星》里面,自己有份嘅表演仲有出道后嘅 MIRROR 团体综艺节目《MIRROR GO》嘅一啲片段剪辑为主。

不过而家就多数都系 vlog 同工作上嘅幕后花絮,而且渠仲帮工作花絮呢个题材嘅片,改咗个系列名叫「跟我去返工」㖭~


5000$一堂钢琴名师MR.LUI亲授JEREMY音乐知识
https://www.youtube.com/watch?v=UZCIhKl5g8Y
有留意 Edan 嘅朋友,都会知道渠识弹钢琴。所以喺呢条片里面 MIRROR 成员 Jeremy 就化身「李同学」,搵呢位「钢琴名师」上返堂音乐堂,教弹琴。最后「钢琴名师」仲挑战 1 分钟练指定嘅曲目,话要畀「李同学」睇下啱啱开始学琴嘅新手同有返咁上下资历嘅熟手喺睇谱同弹琴上有咩分别。

[越级挑战] 仲6秒9句英文?直接挑战6秒10句英文!!
https://www.youtube.com/watch?v=8gbpK-Xa4_E
呢条 4 分钟左右嘅片,渠就搵咗妈妈同妹妹协助拍摄。虽然短短哋,不过都几好笑,仲有个反转喺里面~

之前吴君如喺《阖家辣》宣传访问嗰阵都有提过因为睇到 Edan 嘅 YouTube 片,觉得渠好笑,先搵渠去呢套戏试镜。唔知呢条片又会唔会系其中一条呢?

[跟我去返工EP.10] 史上尺度最大!!胶战S2 冬季旅行VLOG!!
https://www.youtube.com/watch?v=HmVqqxTsfHE
《胶战》呢个 ViuTV 嘅节目,两季都带咗唔少笑料畀观众,有睇都知 6 位夹埋一齐就好多笑声,呢条记录咗渠同其他 5 位「胶人」拍节目第 2 季最后集数嗰阵喺镜头后嘅片,会令人期待下一季!


Jer 柳应廷
Youtube 频道:柳应廷 JEREMY LAU ( https://www.youtube.com/user/JEREMYxLAU )
个人 IG:https://www.instagram.com/jeremylaous
身为 MIRROR 其中一位主唱嘅 Jer,渠嘅 Youtube 频道相比起其他成员,上传影片嘅数量就比较少,而题材方面都系以音乐为主,多数都系歌曲 cover,仲有唱歌嘅直播。

JEREMYLAOUS MUSIC LIVE #2 大海
https://www.youtube.com/watch?v=TQOGzG7cuoY
例如呢个以「大海」为主题嘅唱歌直播,渠提前喺社交平台上收集咗大家一啲关于海嘅故事或者回忆,再喺直播中读返出嚟,又分享咗一啲自己嘅故事。当然唔少得拣咗几首点唱,亦同样同海有关嘅歌曲唱啦!

银发白 - 柳应廷 x 吴林峰 (cover)
https://www.youtube.com/watch?v=JwC3WZjdDec
呢条片渠搵嚟吴林峰,同渠一齐 cover 林二汶同 Yoyo 岑宁儿原唱嘅〈银发白〉。(小薯仔私心觉得好好听!)


(左:Stanley,右:Jeremy)

Stanley 邱士缙 & Jeremy 李骏杰
Youtube 频道:巨龙与猪仔 Stanley & Jeremy(https://www.youtube.com/c/%E5%B7%A8%E9%BE%8D%E8%88%87%E8%B1%AC%E4%BB%94StanleyJeremy
个人 IG:
Stanley - https://www.instagram.com/stanleysc_
Jeremy - https://www.instagram.com/jeremy_0908
Stanley 自称「马鞍山巨龙」,而渠觉得 Jeremy 好亲切,又好钟意 sweet 咁叫渠,所以就叫渠「猪仔」。「巨龙」同「猪仔」加埋一齐就变咗频道名。渠哋嘅 Youtube 频道都系 MIRROR 里面暂时由两位成员一齐经营嘅~

而上传嘅影片种类,以 vlog 为主,但系都有玩下游戏同唔同嘅体验,好似系去调酒同画画等。

调教你金jer成为游戏王
https://www.youtube.com/watch?v=irdF5fKDxgc
调教你金jer成为游戏王 #2
https://www.youtube.com/watch?v=5ml_IG4b-58
呢两条片搵咗 MIRROR 成员 Jer 上嚟同渠哋玩下游戏,同时 Jer 都系频道开始营运之后嘅第 1 个嘉宾~

天才剑神争霸战
https://www.youtube.com/watch?v=V4hLuD_Wag8
上面提到渠哋其实都有喺片里面有啲唔同嘅尝试同体验。呢条片渠哋就去咗玩花剑,仲请到剑击港队运动员崔浩然嚟教渠哋!最后发现 Jeremy 有成为剑击手嘅潜质,而 Stanley 就有成为旁述嘅天赋。

值得一提嘅系,Jeremy 另外都有自己嘅 Youtube 频道 (李骏杰Jeremy Lee - https://www.youtube.com/channel/UCv0mlc3LIUfJ-vZ4Mg6Elbg ) 㗎!不过渠嘅频道暂时唔算好多片,都系歌曲嘅 cover 占多。

虽然 MIRROR 成员嘅 Youtube 频道未必好似其他频道一样成日有新嘅影片发布,但系小薯仔都希望,嚟紧都可以睇下渠哋拍更多类型嘅片!

撰文:小薯仔
照片来源:Anson Kong YouTube 上载之影片截图;Alton、Anson Kong、Anson Lo、Edan、Jer、Stanley 及 Jeremy Instagram


延伸阅读:
【镜仔101】MIRROR 成员中学/大学母校一览
https://timable.com//zh-hk/blog/2170029

MIRROR成员5个服装品牌 各有各风格
https://timable.com//zh-hk/blog/2154905

【睇YouTube】Alton x Anson Kong 新歌〈REBOUND〉|MIRROR 团体同成员单曲MV 有咩睇?
https://timable.com//zh-hk/blog/2141832

【睇电视2022】ViuTV 篮球剧《季前赛》睇MIRROR同ERROR喺球场上挥洒汗水!
https://timable.com//zh-hk/blog/2128581

【睇电视2022】ViuTV 新运动剧《i.SWIM》继续青春热血!
https://timable.com/zh-hk/blog/2126092


Follow埋Timable FB同IG
FB:https://www.facebook.com/timable.hk
IG:https://www.instagram.com/timable/

立即下载Timable App,随时随地捕捉本地活动资讯
iOS/Android:https://bit.ly/timable_app