确诊数字每日继续维持喺以万计嘅呢段时间,相信大家仍然都系比较多留喺屋企~除咗工作以外,应该都仲会煲剧同睇戏嚟打发时间。

上一篇就讲咗几篇近期 Netflix 上讨论度几高,又或者系即将上架嘅节目,喺呢一篇,小薯仔不如就推介下几套近期上咗架嘅韩剧畀大家啦!


《少年法庭》(소년 심판 / Juvenile Justice)
预告: https://www.youtube.com/watch?v=KHninbQaBCQ
主演:金憓秀、金武烈、李星民、李姃垠
呢套由打造过唔少人气韩剧嘅洪钟灿导演同金玟锡编剧共同创作,Netflix 自己出品嘅《少年法庭》,绝对系近期大热,而且讨论度非常高嘅韩剧。全剧总共有 10 集,已全数上架,不过因为涉及「少年犯罪」嘅内容,所以被列为 16 岁以上先可以观看。


剧集讲述由金憓秀饰演嘅沉恩锡,系极度厌恶少年犯嘅精英法官,呢班青少年都会因为年龄,而唔会喺法律上得到严厉嘅制裁。渠去到地方法院嘅少年刑事合议庭担任右陪席法官,仲负责审理复杂嘅少年犯罪案件,但系唔会对渠哋手下留情。面对住犯下各种罪行而企上少年法庭嘅少年罪犯,同埋负责嘅同僚法官,渠深刻意识到青少年喺呢个社会上面对咩问题,亦努力令自己喺厌恶少年犯同追求公义刑罚间取得平衡。

呢套剧集主要想探讨未成年人士犯罪嘅议题,题材对比一众讲亲情、友情、爱情嘅韩剧系非常新鲜。不过其实呢样嘢都系韩国社会,甚至好多有设立少年法嘅国家面对紧嘅现实问题。而剧中好多情节其实都系改编自韩国真实案件,例如系「仁川女童分尸案」。

除咗题材,主要演员阵容都引起话题:女主角金憓秀喺韩国三大影视颁奖礼—青龙电影奖、大钟奖同百想艺术大赏都攞过最佳女主角;李星民攞过大钟奖同百想艺术大赏嘅最佳男主角;李姃垠都喺以上提及嘅 3 个颁奖礼中攞过最佳女配角,而音乐剧演员出身嘅金武烈虽然暂时未有喺呢几个颁奖礼上攞过奖,不过都系实力派演员。


《社内相亲》(사내 맞선 / TA Business Proposal)
预告:https://www.youtube.com/watch?v=68HiU17KpEg
主演:安孝燮、金世正、金旻奎、薛仁雅、李德华
《社内相亲》改编自韩国网络漫画家 HaeHwa 所创作嘅同名人气网络漫画,系一套甜蜜浪漫喜剧,全剧总共有 12 集。

故事讲述由金世正饰演嘅申夏莉收到朋友陈映书 (薛仁雅饰演) 嘅请求,映书想夏莉假扮渠出席一场相睇,目的系想吓走对方。但系估唔到相睇对象竟然系渠公司嘅社长—由安孝燮饰演嘅姜泰武,而姜泰武仲要向夏莉求婚,令到夏莉成个计划乱晒⋯⋯

因为同韩国同步播出嘅关系,所以而家只系上咗第 1 同第 2 集。钟意完咗先一次过睇嘅朋友,可以喺 4 月 5 号睇晒 12 集。


《二十五,二十一》(스물다섯 스물하나 / Twenty-Five Twenty-One)
预告:https://www.youtube.com/watch?v=FhWBssPtZ4k
主演:金泰梨、南柱赫、金知妍、崔显旭、李珠明
《二十五,二十一》系由《请输入检索词 WWW》嘅导演郑智炫同编剧权度银一齐打造嘅新剧,全剧总共有 16 集。

故事发生喺 1998 年,嗰阵嘅韩国面对紧 IMF 金融危机。金泰梨所饰演嘅罗希度,系个充满热情嘅剑击选手,不过渠所属嘅高中剑击队就因为呢个危机而解散,令渠要转校。而 18 岁呢年,渠遇上咗 22 岁,因为屋企破产而面临人生考验,但系努力重建紧自己生活嘅白易辰 (由南柱赫饰演)。3 年间,21 岁嘅罗希度不断搏命向前冲,最后变咗国家代表选手,而 25 岁嘅白易辰就成为咗电视台记者,渠哋嘅故事仍然继续。

睇简介都知道系一套青春电视剧,当然亦包含罗曼史。不过除咗金泰梨同南柱赫呢条感情主线外,加上咗金知妍、崔显旭、李珠明嘅 5 人帮友情线,以及每人同青春嘅碰撞再成长都系值得留意嘅部份。

呢套都系同韩国同步播出嘅剧集,所以而家只系有头 8 集,结局将会喺 4 月 3 号播出。


《三十九》(서른, 아홉 / Thirty-Nine)
预告:https://www.youtube.com/watch?v=TQVaPu_11FQ
主演:孙艺真、田美都、金芝贤、延玗臻、李茂生、李泰焕
好多韩剧都系边拍边播,不过呢套就采取 100% 事前制作,即系播出之时,全套剧集已经煞科,而且所有后期制作都己经做好。


上面有两套都系主打爱情,而一共 12 集嘅呢套就描述紧女性之间嘅友情—以 3 位就嚟 40 岁嘅挚友为中心,分别系孙艺真饰演嘅车美昭、田美都饰演嘅郑灿荣,以及系金芝贤饰演嘅张珠喜。渠哋由高中二年级开始,到 39 岁嘅呢个时候,都陪伴住大家度过彼此人生中嘅时间,呢个故事亦系关于渠哋嘅爱情、友情同人生。

而除咗友情之外,身为一套现实嘅人性罗曼史,爱情都系唔少得嘅,所以 3 位女主角都会分别同 3 位男主角—延玗臻饰演嘅金善优、李茂生饰演嘅金真皙同李泰焕饰演嘅朴贤俊展开感情线。

呢套亦都系同韩国同步播出嘅剧集,所以而家只上架咗 6 集。


《气象厅的人们:社内恋爱残酷史篇》(기상청 사람들: 사내연애 잔혹사 편 / Forecasting Love and Weather)
预告:https://www.youtube.com/watch?v=GJj4RS99-TE
主演:朴敏英、宋江、尹博、金亚莹 (Yura)
呢套系《山茶花开时》导演车荣勋嘅新作,总共有 16 集。


故事以韩国国家气象厅为背景,其中穿插住有关天气嘅情节。讲由朴敏英饰演嘅陈夏京,系气象厅统筹组组长,同气象厅发言人,由尹博饰演嘅韩气峻,拍咗 10 年拖。两个人准备结婚之前,陈夏京揭发咗男方有第三者,婚事亦随之告吹;两个月后,陈夏京就升咗职,由宋江饰演嘅李时雨都同时调咗去跟陈夏京,成为渠嘅下属。而陈夏京原本唔想同前男友再喺同一地方做嘢,諗住出国进修,不过最后留低咗,仲同李时雨越行越近⋯⋯

虽然睇上面简介会觉得成套剧可能系循序渐进嘅发展,但其实一开始就已经讲男女主角发生咗一夜情,跟住呢两个人就发展办公室恋情,所以剧集感情线嚟讲真系发展得快㗎!而两男两女嘅配搭,当然唔少得四角恋啦~

渠系呢篇推介中,第四部同韩国同步播出嘅剧集,所以而家上架嘅集数亦只系 8 集,4 月 3 号先会播出大结局。


同场加映
《海贼:鬼怪的旗帜》

预告:https://www.youtube.com/watch?v=JVd-YG76s9Y
主演:姜河那、韩孝周、李光洙、权相佑、蔡秀彬、吴世勋、金盛吴、朴志焕
呢套就唔系剧集,而系 Netflix 投资拍摄,并且向全世界发行嘅第一套韩国电影。虽然渠话就话系 2014 年上映嘅电影《海贼:奔向大海的山贼》续集,不过因为各种因素,呢集嘅登场人物同故事都系全新嘅设定,同上一集已经冇关连。

电影讲述一班由韩孝周饰演嘅海浪为首嘅海盗同由姜河那饰演嘅禹武治带领嘅义贼团,为咗寻找消失喺茫茫大海嘅皇家宝藏,成为呢个宝藏嘅主人,于是齐齐出海。喺呢个冒险嘅途中当然会遇到好多狂风暴雨啦,又要解开一啲未知嘅谜团,不过最后喺遇到敌人嘅时候都有一齐抵抗!

喺韩国上映嘅时候,连续 14 日都系票房冠军,亦系当地今年第一部票房过百万嘅电影~

想轻轻松松笑下,呢套冒险喜剧电影都可以一睇!应该睇完都会爽!

撰文:小薯仔
资料来源:Netflix 页面、维基百科、媒体报导
照片来源:Netflix 页面、tvN 网站、JTBC Drama Facebook、SBS Facebook、@netflixkr Instagram、Namu wiki


延伸阅读:
【抗疫2022】Netflix 3月片单推介 留喺屋企实有嘢睇!
https://timable.com//zh-hk/blog/2140530

【睇YouTube】Alton x Anson Kong 新歌〈REBOUND〉|MIRROR 团体同成员单曲MV 有咩睇?
https://timable.com//zh-hk/blog/2141832

【睇YouTube】MIRROR成员嘅YouTube频道有咩睇?
https://timable.com//zh-hk/blog/2140181

【睇YouTube】郑中基YouTube 频道「机动电视台 RTV」有咩睇?
https://timable.com//zh-hk/blog/2128791


Follow埋Timable FB同IG
FB:https://www.facebook.com/timable.hk
IG:https://www.instagram.com/timable/

立即下载Timable App,随时随地捕捉本地活动资讯
iOS/Android:https://bit.ly/timable_app