虽然今届金像奖 7 月 17 日先会举行,不过所有奖项嘅提名名单都已经喺 2 月公布咗,而最佳女配角有 5 位演员入围,包括鲍起静、廖子妤、钟雪莹、白浪同李丽珍,不过因为廖子妤凭住《智齿》同《梅艳芳》攞咗两个提名,所以呢个奖项嘅提名系有 6 项嘅。

小薯仔整理咗 5 位入围演员嘅简介,一齐嚟睇下啦:


鲍起静《除暴》
人称鲍姐嘅鲍起静,家人都几乎系演艺圈嘅一份子:爸爸系着名演员鲍方,细佬系曾经凭《卧虎藏龙》攞过奥斯卡最佳摄影奖嘅鲍德熹 (鲍起鸣),而渠自己亦喺演员行业中打滚咗非常长嘅日子,被认为系好戏之人。

从影 56 年以嚟,曾经获香港电影金像奖最佳女配角提名 5 次,今次系渠第 6 次被提名。喺《除暴》呢套戏中,饰演张隼 (吴彦祖) 嘅妈妈,有一场戏讲渠知道个仔走唔甩,好多人都觉得渠嗰几分钟嘅演出,特别系眼神变化,系全套电影最好睇嗰幕。唔知会唔会凭呢幕说服到一众手上有投票权嘅人士投渠一票呢?



廖子妤《梅艳芳》/《智齿》
演员 IG:https://www.instagram.com/fish331
2012 年读完书之后,为咗自己嘅演员梦想,只身由马来西亚嚟到香港发展嘅廖子妤 (Fish),呢 10 年间演出过唔少各种类型嘅作品。曾经喺 2017 年获得最佳女配角嘅提名,今次系第 2 次,同时亦系渠第 1 次以两套电影喺同一奖项获得两项提名。

喺《梅艳芳》,渠饰演梅艳芳嘅家姐梅爱芳,戏份相对上较多,角色造型上同现实中嘅梅爱芳相似度非常高。喺戏中同王丹妮真挚嘅姊妹情,同恰如其分嘅演出,获得唔少好评;而喺《智齿》,渠就饰演「可乐姐」,系个残疾毒贩,同《梅艳芳》嘅角色大相径庭,但系都有唔少人赞渠演出有惊喜!令渠成为夺奖大热~


钟雪莹《杀出个黄昏》
演员 IG:https://www.instagram.com/chungsaid
钟雪莹喺入围者当中,算系资历比较浅嘅一位。以前曾经喺电台做过 DJ,离开电台后就专心往演员方向发展,而除咗演员呢个身份,渠亦系一位填词人。

喺 2021 年上映嘅电影中,有渠出现嘅电影 (不论戏份多少) 已经有 4 套,其中戏份比较重嘅《杀出个黄昏》,令渠获得今届金像奖嘅最佳女配角提名之余,亦凭住同一角色,同时获得最佳新演员提名!喺戏中同谢贤嘅一段看似父女,又看似爷孙嘅关系,仲有两个人之间嘅化学作用,都令唔少观众对呢个冇乜电影演出经验嘅演员留低正面评价!


白浪《夺冠》
本身打开排球,从事金融行业嘅白浪,系 5 位入围演员中,唯一一位正职唔系做演员嘅。

呢套戏嘅导演陈可辛一直搵唔到合适演员饰演郎平嘅年轻版,最后睇到真.郎平个女,即系白浪嘅相,搵渠倾咗半年,然后搵埋个表演老师飞去美国教渠,最后睇到渠一个人对住镜头做戏嘅片就决定搵渠做自己妈妈喺戏中嘅年轻版。亦因为系角色系青年,所以戏份都集中喺电影嘅前半段。


李丽珍《浊水漂流》
演员 IG:https://www.instagram.com/__leelaichun
可能大家对李丽珍嘅印象,会多聚焦喺渠嘅个人生活,或者系曾经拍过三级片,不过从影 38 年,渠都拍过唔少其他作品㗎~曾经攞过金马影后嘅渠,而今次系第 2 次获提名金像奖嘅最佳女配角。

久休复出嘅渠喺《浊水漂流》饰演陈妹一角,喺监仓识到兰姑呢个行动不便嘅好姊妹。出狱后就喺餐厅洗碗,继续照顾兰姑嘅起居,希望可以一齐脱离露宿者生活。不过好多人就觉得相比起一班男角色,渠喺戏中嘅发挥唔算大。可唔可以夺奖而回,就要睇下有一票嘅相关人士取态了~

以上嘅电影中,《智齿》、《浊水漂流》、《除暴》及《梅艳芳》都已经串流上咗香港 Disney+!大家可以喺金像奖颁奖礼前重温各位入围演员嘅演出。
未有 Disney+ 睇唔到?立即订阅:http://disneyplus.bn5x.net/e42ooX


撰文:小薯仔
资料来源:维基百科、香港电影金像奖网页及网上资料
照片来源:《智齿》、廖子妤 Facebook;英皇电影、钟雪莹 Instagram;「安乐影片 Edko Films Ltd」YouTube 上载之预告影片截图;《浊水漂流》Facebook 上载之电影制作特辑截图


延伸阅读:
哥哥张国荣5套电影推介 当中有你钟情嘅作品吗?
https://timable.com/blog/2163967

【金像奖2022】金像奖4位入围最佳男主角 大前辈同新人边位会脱颖而出?
https://timable.com/blog/2174406

【金像奖2022】金像奖5位入围最佳女主角 前辈新人各有优势
https://timable.com/blog/2163068

【金像奖2022】金像奖5位入围最佳男配角 前辈新人各有千秋
https://timable.com/blog/2156900

【金像奖2022】今届角逐各奖项嘅电影你睇过几多?一文整理20套获提名电影
https://timable.com/blog/2133881

Follow埋Timable FB同IG
FB:https://www.facebook.com/timable.hk
IG:https://www.instagram.com/timable/

立即下载Timable App,随时随地捕捉本地活动资讯
iOS/Android:https://bit.ly/timable_app