【香港行山路线2022】5条西贡靚景行山径｜有齐不同难度｜周末好去处

西贡被誉为「香港后花园」，讲起西贡，多数都会諗起去食海鲜，但除此之外仲有其他好去处㗎。今次就介绍5条西贡区嘅靚景行山路线畀大家，由轻松入门级到难度高嘅都有，方便大家选择条啱自己行嘅路。最紧要系量力而为，记得注意安全同埋保护大自然啊～趁住天气好嘅周末，就同屋企人或者男女朋友一齐去啦！

---

西贡区行山点 1. 荔枝庄地质景点

如果钟意睇充满年月洗礼嘅大自然景观嘅你，就一定要去呢个位于赤门海峡东南岸嘅荔枝庄。荔枝庄海岸嘅岩石，系由火山湖以及火山附近湖底嘅泥沙混合火山灰固结形成。火山灰及被冲入湖底嘅泥沙反覆叠加，形成颗粒粗幼不一，颜色深浅交替嘅深浅色岩石，渠嘅纹路超多层次，真系睇得出系时间嘅痕迹。滩岸嘅红树林，加上岸边同埋海水下面色彩变幻嘅岩石，真系好似去咗世外桃源，望住一日都唔会厌。咁特别嘅地质公园，喺香港真系唔系咁容易睇到㗎，真系好值得去一次～

＊出发前请睇清楚潮汐涨退嘅时间啊！
https://www.hko.gov.hk/tc/tide/predtide.htm


难度︰★✩✩✩✩
全长︰约1公里
时间︰约1小时

前往及离开交通方式：
可从西贡墟乘坐7号专綫小巴，在海下路白沙澳下车，沿山径步行前往，路程约3.5公里；或乘坐街渡渡轮前往荔枝庄。

渡轮服务 - 马料水至塔门 (途经荔枝庄)
星期一至五 - 08:30, 15:00
星期六、日及公众假期 - 08:30, 12:30 及 15:00

渡轮服务 - 塔门至马料水 (途经荔枝庄)
星期一至五 - 11:40, 18:00
星期六、日及公众假期 - 11:40, 14:15 及 18:00

---

西贡区行山点 2. 大滩郊游径

沿住大滩郊游径一路行，就可以欣赏到西贡独特多变嘅海岸风光，睇到香港清晰嘅海岸线，够晒靚！路途主要都系以大石以成，行吓行吓就会到达红树林，可以见到可爱嘅弹涂鱼及招潮蟹，仲有其他罕见嘅动植物。沿路一直行，能够远眺蚺蛇尖、高流湾及塔门等地，包保全程都大靚风景。去到海下湾，仲有可以欣赏到清澈见底嘅海洋。大家记得唔好乱抛垃圾啊！


难度︰★★✩✩✩
全长︰约6.7公里
时间︰约2.75小时

前往交通方式：
在西贡墟乘7号小巴至海下路近猴塘溪下车。

离开交通方式：
在海下路尾乘搭7号专线小巴返回西贡墟。

---

西贡区行山点 3. 万宜地质步道

除咗吉澳有罕见嘅地质岩石之外，原来西贡区都有！万宜水库东坝只系距离西贡市中心大约40分钟嘅车程就到啦～企喺坝上，一边系香港储水量最大嘅人工水库，而另一边就系壮丽嘅六角岩柱群，可以话系世界级嘅景观啊。岩柱由熔岩、岩屑及火山灰的混合物冷却后收缩而成，大约喺1亿4千万年前形成；而另一幅S形扭曲嘅六角形岩柱，系由剧烈嘅地壳运动，令当时未完全凝固嘅岩柱扭曲折叠，变成现时咁独特嘅S字形。一路往海边行，仲可以见到破边洲，渠就好似一件蛋榚切件，超特别。去到东坝下一条木桥步道，仲可以近距离探视海蚀洞。

破边洲详情：https://timable.com/blog/1900022


难度︰★★✩✩✩
全长︰约4.3公里
时间︰约3小时

前往及离开交通方式：
1. 乘搭九巴路线94号或96R(96R只在星期六、日及公众假期行驶）前往「上窰」巴士站，沿大网仔路前行至岔路口，靠右沿西贡万宜路继续步行约9公里；或

2. 可于北潭涌乘坐专线小巴路线9A (只在星期日及公众假期) 往返北潭涌与万宜水库东坝。

---

西贡区行山点 4. 麦理浩径(第一段)北潭涌至浪茄

今次介绍另一段麦理浩径畀大家，路段都算长，但就相对平坦，去之前要有定心理准备。上面讲完万宜水库，嚟到呢度就可以离远欣赏到呢个「玻璃水库」啦，仲可以一次过睇晒山景同埋海景，真系好靚啊～行完呢段嘅行山径，可以选择继续行第2段，或者去浪茄湾营地休息吓。浪茄湾嘅海岸都有唔少靚景可以畀大家影吓相，有流纹岩嘅独特风景。流纹岩系细小粒状嘅火山岩，喺溶岩面层与底层以急速及不同冷却速度嘅情况下形成。大家可以尽情欣赏流纹岩所形成嘅灰啡色六角柱体，又或者留低睇日落及星星，都系一个唔错嘅选择。


难度︰★★★✩✩
全长︰约10.6公里
时间︰约3小时

前往交通方式：
可乘搭公共交通工具前往「上窰」巴士站；或乘搭专线小巴于大网仔路及北潭路交界落车。

九巴路线 - 94, 96R（96R只在星期六、日及公众假期行驶）
专线小巴路线 - 7 及 9

离开交通方式：
由浪茄返回东坝乘坐专线小巴路线9A（只在星期日及公众假期行驶）至北潭涌巴士总站，或前往西湾亭乘坐居民巴士NR29到西贡大会堂。

---

西贡区行山点 5. 大浪湾远足径

呢条比较难嘅行山径，大家要量力而为，记得带齐装备先好去啊！唔少行山友都好钟意去嘅大浪湾远足径，会途经两个面向太平洋嘅海湾，全个路程都会觉得香港真系好靚呀！西湾及咸田湾嘅海水够晒蓝，水清沙幼，一定会影相影到唔舍得走。去到西湾至赤径段，可以发现岸壁与石头有岩层嘅变化。原来呢一段路系大约1亿4千多万年前，西贡火山活动创造嘅多道岩层之上，完全感受到大自然嘅威力。


难度︰★★★★✩
全长︰约12公里
时间︰约5小时

前往交通方式：
于西贡市中心乘坐乡村小巴NR29至西湾路尾下车，起点位于西湾亭。

离开交通方式：
在北潭坳乘搭公共交通工具离开。

九巴路线 - 94及96R (96R只在星期六、日及公众假期行驶)
专线小巴路线 - 7

---

资料来源：渔农自然护理署
www.hiking.gov.hk

编辑：Athena

---

延伸阅读：


【香港周围游】西贡深涌大草原 全平路适合新手亲子游
详情：https://timable.com/blog/1991194

【香港周围游】西贡万宜水库东坝壮丽景色 行山兼睇世界级地质奇观
详情：https://timable.com/blog/1985693

【香港周围游】西贡海下热门打卡位 到底好唔好影?
详情：https://timable.com/blog/2111227

【香港游】靚景行山路线「破边洲」欣赏海平线
详情：https://timable.com/blog/1900022

【香港郊游路线2022】港岛热门靚景打卡位｜轻松到达最啱睇日落｜周末好去处
详情：https://timable.com/blog/2169446

---

Follow埋Timable FB同IG
FB：https://www.facebook.com/timable.hk
IG：https://www.instagram.com/timable/

立即下载Timable App，随时随地捕捉本地活动资讯
iOS/Android: https://bit.ly/timable_app