【金像奖2022】金像奖5位入围最佳女主角 前辈新人各有优势

今届金像奖将会喺 7 月 17 日假九龙湾国际展质中心汇星举行，而所有奖项嘅提名名单都已经喺 2 月公布咗。之前介绍过入围最佳男女配角嘅演员，今次讲下入围最佳女主角嘅演员，包括周秀娜、王丹妮、刘雅瑟、吴君如同埋巩俐。

一齐嚟睇下小薯仔整理嘅 5 位入围演员简介啦：


周秀娜《马达‧莲娜》
演员 IG：https://www.instagram.com/chrissienana
近年将事业重心主要放喺电影上嘅周秀娜 (Chrissie)，2017 年凭《29+1》令大众眼前一亮，仲首次被提名金像奖最佳女主角，今次系相隔 5 年后，渠第 2 次获得呢个奖项嘅提名。

喺《马达．莲娜》中，渠饰演由外地去到澳门赚钱嘅莲娜，日一份夜一份，同搭开嗰架的士嘅司机马达 (张继聪饰演) 慢慢发展出一段感情。戏中嘅渠举手投足上都有种经历咗好多嘢嘅感觉，亦做到嗰种离乡别井打工嘅无奈。唔少观众都觉得渠比起《29+1》嗰阵嘅演技成熟咗唔少～


王丹妮《梅艳芳》
演员 IG：https://www.instagram.com/l_for_louise
本身系模特儿嘅王丹妮 (Louise)，喺出演《梅艳芳》前，系完全冇参与过任何电影或剧集嘅拍摄。而呢套出道作，就为渠带嚟人生首个金像奖最佳女主角同埋最佳新演员嘅提名。

喺试镜嗰阵，已经被大赞同梅艳芳相似。由于渠冇演出经验，所以喺开拍前接受咗半年嘅训练，由演技、歌曲到舞蹈，再到真．梅艳芳嘅神态等都喺呢段期间落力揣摩；而戏中嘅造型、渠嘅眼神、一啲表情、声线同讲嘢方式，令大部份入场嘅观众都觉得渠同梅姐嘅气质非常相似，亦令渠成为今届嘅影后大热之一！


刘雅瑟《智齿》
演员 IG：https://www.instagram.com/liuyase
2012 年嘅《致我们终将逝去的青春》为刘雅瑟打开更大嘅知名度，2020 年嘅《麦路人》「妈妈」一角令渠获得首个金像奖最佳女配角提名，而《智齿》就系渠首次喺香港电影中担任第一女主角 (同时系渠从影以嚟第一套三级片)，亦为渠带嚟第一个金像奖最佳女主角提名。

戏中渠饰演误杀斩哥 (林家栋饰演) 妻儿，再被拾荒者山田收 (池内博之饰演) 绑架嘅街童王桃。虽然有打人嘅场面，但系大部分时间都系处于被虐打嘅状态，极度搏命嘅演出同细致嘅角色演绎，令好多人都对渠赞誉有加，甚至先攞咗今届香港电影评论学会大奖嘅最佳女演员！所以渠亦系另一位影后大热嘅人选～


吴君如《妈妈的神奇小子》
演员 IG：https://www.instagram.com/sandrangky
吴君如从影以嚟已经拍咗过百套电影，过去曾经获得 6 次金像奖最佳女主角提名 (喺 1998 年第一次获奖)，今次系渠第 7 次获得呢个奖项嘅提名。

今次喺《妈妈的神奇小子》里面，渠有两个身份－第一个系饰演苏桦伟嘅妈妈，第二就系呢套戏嘅监制。渠喺开拍前都有亲自去拜访苏妈妈，喺倾偈过程中去了解苏妈妈，并将对方嘅性格特质、同阿仔嘅日常相处等元素再加自己嘅诠释，去演绎返呢个角色；同梁仲恒 / 冯皓扬嘅母子情都感动到唔少观众！渠凭呢套电影攞到影后嘅呼声亦都好高～


巩俐《夺冠》
自 1987 年踏入影圈后，巩俐主演嘅电影好多都非常有名，亦创造咗无数经典角色，到而家喺国际影坛都系成就，地位同影响力最高嘅华人女演员。攞过无数次嘅国际电影奖项，今次系渠第 4 次获得金像奖嘅最佳女主角提名 (喺 2007 年第一次攞到呢个奖)。

喺《夺冠》中，渠饰演中国女排嘅重要人物，同时亦系传奇－郎平。喺开拍前，渠做咗非常多嘅准备，令自己进入角色。虽然渠呈现出嚟嘅郎平，成个造型都同原本嘅郎平几乎一样，喺演绎上亦传神，不过好多人都觉得比较似《郎平传》。唔知有票可投嘅相关人士，又会点拣呢？

以上嘅电影中，《智齿》及《梅艳芳》都已经串流上咗香港 Disney+！大家可以喺金像奖颁奖礼前重温各位入围演员嘅演出。
未有 Disney+ 睇唔到？立即订阅：http://disneyplus.bn5x.net/e42ooX


撰文：小薯仔
资料来源：维基百科、香港电影金像奖网页、媒体访问及网上资料
照片来源：《梅艳芳》、《智齿》、《妈妈的神奇小子》Facebook；周秀娜、王丹妮、刘雅瑟Instagram；WeDistributionHK YouTube 上载之电影《夺冠》巩俐成为郎平特辑影片截图

---

延伸阅读：
哥哥张国荣5套电影推介 当中有你钟情嘅作品吗？
https://timable.com/blog/2163967

【金像奖2022】金像奖4位入围最佳男主角 大前辈同新人边位会脱颖而出？
https://timable.com/blog/2174406

【金像奖2022】金像奖5位入围最佳男配角 前辈新人各有千秋
https://timable.com/blog/2156900

【金像奖2022】金像奖5位入围最佳女配角 前辈新人竞争激烈
https://timable.com/blog/2150199

【金像奖2022】今届角逐各奖项嘅电影你睇过几多？一文整理20套获提名电影
https://timable.com/blog/2133881


Follow埋Timable FB同IG
FB：https://www.facebook.com/timable.hk
IG：https://www.instagram.com/timable/

立即下载Timable App，随时随地捕捉本地活动资讯
iOS/Android：https://bit.ly/timable_app