YouTube 影片


有睇开韩剧嘅朋友,近排除咗《二十五,二十一》之外,相信都会追埋另一套大热之作-《社内相亲》!用好笑嘅情节嚟包装老套嘅故事设定,剧中两对情侣嘅互动又甜蜜到令人就嚟糖尿病咁滞,而且因为得 12 集嘅关系,所以节奏明快,令好多观众都睇到好爽~


过埋 4 月 5 日就暂时未有得睇「夏泰 CP」,咁不如同小薯仔一齐去睇下演员安孝燮同金世正嘅靚相仲有渠哋嘅简单介绍啦:


安孝燮|饰演 姜泰武
演员 IG:https://www.instagram.com/imhyoseop




剧中嘅食品公司社长姜泰武,有句台词系话自己各方面都好优秀,冇嘢系做唔到嘅。而现实嘅安孝燮,除咗外型亮眼之外,亦擅长拉小提琴,又识弹钢琴同结他,连运动神经都发达,读中学嗰阵更系足球好手!同时因为曾经做过三年 JYP 练习生,所以歌唱同舞蹈实力都非常之唔错㗎!


外型才华兼备嘅渠,更加系位标准猫奴,养咗只叫 Baul (바울) 嘅猫猫~渠仲曾经讲过最钟意放工返到去同 Baul 玩㖭!


其实喺《社内相亲》之前,安孝燮已经凭《Abyss》、《浪漫医生金师傅 2》同《红天机》打开咗一定嘅知名度,《社内相亲》播出之后,渠嘅人气更加以几何级数上升!而渠亦已经确定会出演由 Netflix 制作,翻拍自 2019 年大热台剧《想见你》嘅《走进你的时间裏 (너의 시간 속으로)》,饰演男主角南时宪 / 具延准!(预计 2023 年播出)


金世正|饰演 申夏莉
演员 IG:https://www.instagram.com/clean_0828


戏内嘅申夏莉系位资深冷冻食品研究员,活泼可爱又充满正能量。而现实中嘅金世正,性格同申夏莉一样之外,而且仲多才多艺,仲被称为「God 世正」!


渠本身系参与选秀节目出身嘅,赢咗第二名后就作为限定女团成员出道,之后再以女团 gugudan 嘅主唱身份活动,而家嘅世正就系一位 solo 歌手~之前韩国有句好多人讲嘅名句叫「只走花路吧 (꽃길만걷자)」就系世正喺节目中讲完后,再次兴起,亦成为咗渠嘅代表词之一。

除咗唱歌实力非常好之外,喺综艺节目上展露嘅出色综艺感,都有获金钟国等嘅资深兼知名主持称赞㗎!仲喺《偶像明星运动会》嘅女子团体射箭项目攞咗 3 面金牌,同时刷新埋大会纪录,运动实力都唔可以睇少!


而戏剧演出方面,上一套《驱魔面馆》为渠带嚟好多新嘅粉丝,而《社内相亲》就令渠嘅人气更上一层楼!嚟紧渠亦确定咗会出演预计今年下半年播出,翻拍自日剧嘅《今天的网漫》~

虽然唔知道渠哋几时会再合作,不过都可以期待下两位演员各自嘅下一套新作品!


撰文:小薯仔
资料来源:维基百科、媒体报导
照片来源:安孝燮、金世正、@sbsdrama.official Instagram


延伸阅读:
【睇剧2022】《社内相亲》「车室长」金旻奎 x 「映书」薛仁雅 靚相+简介
https://timable.com//zh-hk/blog/2168594

【睇剧2022】Netflix 4月上架韩剧推介 打发时间实有嘢睇!
https://timable.com//zh-hk/blog/2161103

【睇剧2022】韩剧《二十五,二十一》5大拍摄取景地 回忆心动的青涩恋爱
https://timable.com//zh-hk/blog/2153782

【睇剧2022】3套人气BL剧推介!睇完令腐女心大爆发
https://timable.com//zh-hk/blog/2147951

【抗疫2022】Netflix 近期韩剧推介 留喺屋企实有嘢睇!#2
https://timable.com//zh-hk/blog/2142722


Follow埋Timable FB同IG
FB:https://www.facebook.com/timable.hk
IG:https://www.instagram.com/timable/

立即下载Timable App,随时随地捕捉本地活动资讯
iOS/Android:https://bit.ly/timable_app