Netflix 喺今个 4 月都会上一系列唔同类型嘅新片,小薯仔就拣咗几套即将上架嘅新片介绍畀大家:

电影


《夜叉:浴血谍战》
上架日期:4 月 8 日
预告片:https://www.youtube.com/watch?v=TvcdjaNL8Qs


呢套充满精彩动作场面嘅韩国间谍惊悚电影由薛景求、朴海洙、池内博之、梁东根、EL (李伊)、宋再临同朴珍荣等实力派演员主演,早于 2020 年已经煞科。当时仲去咗个几月台湾取景,所以戏中会出现好多台湾街头嘅景象,好似系万华区嘅住宅同辽宁夜市~

而剧情讲述沈阳喺地缘政治上系东北亚嘅关键城市,而呢个地方嘅间谍密度亦系全球最高。由薛景求饰演,绰号「夜叉」嘅康仁 (Kang-in) 经常为咗完成任务而不择手段。身为组长嘅渠,带领住韩国喺海外嘅机密任务团队-黑色小组 (Black Team) 负责沈阳嘅活动。不过有日国情院发觉黑色小组关于沈阳当地情势嘅报告都系伪造,于是就派出由朴海秀饰演嘅首尔中央检察厅检察官韩志勋 (Han Ji-hoon) 去担任特派监督人监察呢个小组,同埋康仁组长。点知就卷入咗间谍之间嘅生死战⋯⋯

剧集


《桧山健太郎怀孕了》
上架日期:4 月 21 日
预告片:https://www.youtube.com/watch?v=NQrSCv8Ju9M
改编自日本漫画家坂井惠理创作嘅同名漫画。渠有个特别嘅设定,就系喺作品里面嘅平行时空,男性都可以怀孕 (不过机率就非常之低)!

由 Netflix 同东京电视台共同制作嘅呢套日剧当然亦跟返呢个设定啦~斋藤工饰演嘅广告业菁英桧山健太郎 (Kentaro Hiyama),有日发现自己意外怀孕!而渠嘅伴侣,即系上野树里饰演嘅濑户亚季 (Aki Seto) 从来冇諗过要成为父母,所以呢个消息令渠哋混乱又困惑。做咗「孕夫」嘅桧山健太郎要承受公司同社会嘅眼光,令渠同亚季要考虑究竟系咪要将个 B 生落嚟⋯⋯

虽然题材好似系比较新鲜,但其实呢个故事系想透过健太郎呢个男人怀孕时所面对嘅问题,去揭露女性怀孕时要经历嘅诸多困难~


《恋爱修课》(Heartstopper)
上架日期:4 月 22 日


Netflix 喺 2021 年 4 月宣布开拍改编 Alice Oseman 创作嘅同名英国网络漫画做真人版剧集,喺过万人嘅试镜后,就拣咗新人 Joe Locke 同曾经喺传记电影《摇滚太空人》中饰演细个版 Elton John 嘅 Kit Connor 分别饰演两位男主角 Charlie Spring 以及 Nick Nelson。

呢个其实系一个男孩同男孩相遇、相识,再相爱嘅故事-个性温柔嘅 Charlie 同钟意打榄球嘅 Nick 喺中学读书嘅时候识咗大家,渠哋性格好唔同,但系就成为咗一对好朋友~不过两个人慢慢发现,对彼此嘅感情唔只系友情咁简单⋯⋯之后渠哋就同身边嘅朋友相互扶持,一齐学习探索及接纳自我,最后搵到自己最真实一面。

纪录片


《玛丽莲·梦露:最后的录音》(The Mystery of Marilyn Monroe: The Unheard Tapes)
上架日期:4 月 27 日
预告片:https://www.youtube.com/watch?v=N4u9wcejCTE
上世纪五、六十年代嘅性感象征玛丽莲·梦露,银幕上嘅性感形象、经典嘅金发造型同被风吹起条裙嘅一幕虽然仍然为人津津乐道,不过更多人有兴趣讨论嘅,系渠嘅真正死因。自渠逝世后嘅呢几十年嚟,依旧不断传出各式各样嘅阴谋论同谣言。

而呢套纪录片就收录咗梦露一啲亲近人士嘅访谈,透过从未曝光嘅录音拼凑出她临终前几星期、几日、甚至几个钟头嘅时光,去剖析同呢位一代电影明星死亡有关嘅种种谜团,同时描述返渠光芒四射又耐人寻味嘅一生。

撰文:小薯仔
资料来源:Netflix、维基百科、媒体报导
照片来源:Netflix;IMDb


延伸阅读:
【睇剧2022】Netflix 4月上架韩剧推介 打发时间实有嘢睇!
https://timable.com//zh-hk/blog/2161103

【睇剧2022】3套人气BL剧推介!睇完令腐女心大爆发
https://timable.com//zh-hk/blog/2147951

【抗疫2022】Netflix 近期韩剧推介 留喺屋企实有嘢睇!#2
https://timable.com//zh-hk/blog/2142722

【抗疫2022】Netflix 3月片单推介 留喺屋企实有嘢睇!
https://timable.com//zh-hk/blog/2140530


Follow埋Timable FB同IG
FB:https://www.facebook.com/timable.hk
IG:https://www.instagram.com/timable/

立即下载Timable App,随时随地捕捉本地活动资讯
iOS/Android:https://bit.ly/timable_app