【香水2022】小编室大家姐点评｜5款春夏香水推介 必入手干净木质/清爽花果调香氛
作者: Timable, 2022年4月11日 (一) 上午6时41分
大家姐今日嚟访问吓小编室嘅小T们，心目中最具春夏气息嘅香水到底系边支呢？等大家姐做吓笔记，公开小编室全体推荐5款最signature嘅春夏香水啦。
*香水感想主观，文章仅供参考，购买前记得去闻香
P.S.是次拣出嘅5支香水不约而同都系中性香，男女都啱用
BYREDO创办人Ben Gorham嘅父亲曾于非洲居住十多年，Ben Gorham阅读父亲嘅日记，以此构想出一个幻想中嘅非洲，而Bal d’Afrique就是呢个幻想嘅投射，将脑海中画面转化成香味，成为Ben Gorham最初创造嘅香水之一。Bal d'Afrique充满美丽嘅想像，带来一场活力嘅非洲庆典，充满非洲艺术与文化、载歌载舞，系Ben Gorham送给非洲嘅「情书」。
香调：
前调：香柠檬、柠檬、橙花、金盏花、黑加仑
中调：紫罗兰、茉莉
后调：琥珀、香根草、麝香、雪松
大家姐点评：扑鼻而来嘅热带水果风情——芒果与菠萝，前调为多汁香甜嘅水果气息，充满活力。中调紫罗兰带出柔和脂粉感嘅花香气，隐约有阵奶甜味，整体会转化成轻甜嘅水果奶。热情又浪漫，与名字非常相衬，总体而言系非常适合夏日使用嘅清爽柑橘调。
浓浓果甜香，啱带去渡假，适合活泼、Outgoing嘅男男女女～
鼠尾草与海盐嘅创作灵感源于海边，远离繁嚣，独自一人边感受海风，边沿岸散步。海盐带出嘅浪花感，结合悬崖边嘅一片鼠尾草纯朴木本香，散发出阵阵清爽、活泼、浑然嘅愉悦。
前调：秋葵籽
主调：海盐
基调：鼠尾草
大家姐点评：透明感、轻盈嘅木质调，打破一般木质调沉实有厚度嘅印象。开头有葡萄柚嘅清爽，一丝丝接近奶油咸爆谷嘅微咸盐味，呈现出于海边散步，脚下沙粒带点水气嘅画面。后续花香变得明显，黄葵麝香及清香嘅鼠尾草，交织出温和舒适嘅香味，整体香味十分轻柔平静。可惜渠嘅留香好短，多数3-5个钟就唔见咗。
小T们提到呢支系最啱男仔用嘅香水，不过其实女孩子都好啱用，非常适合简约透明感穿搭、安静温柔嘅文艺少男少女们。
「Philosykos」喺希腊语嘅意思系「无花果树之友」，Philosykos嘅创作来源就系三位创办人于希腊皮立翁山嘅美好仲夏回忆，当时渠地经过前往海边时必经嘅无花果树林，途中执咗啲无花果树叶放喺盒内，果种无花果树嘅香味精髓就系Philosykos香水嘅基调！香水有清香嘅无花果树叶、沉稳嘅木质调，夹杂果实嘅乳香，交织出希腊盛夏嘅情景。
前调：无花果叶、无花果
中调：椰子、草叶调
后调：雪松、木质调、无花果树
大家姐点评：其实讲起夏日香水，第一支就諗起Diptyque嘅Philosykos！当时一闻就已经有「希腊无花果树下，仰躺草地晒太阳」嘅画面出咗嚟。非常推荐淡香精版，因为层次会更分明，一开始系无花果叶清新草青气息，之后慢慢渗出无花果实同椰子奶香，但里头微苦嘅草叶调以及之后嘅木质调无被掩盖，反而衬托中和无花果同椰子奶味，甜而不腻，显得更有层次。淡香水版则草青味会较轻盈，甜甜嘅时奶香会更突出。
比较文青type嘅一款木质调香水，最啱个性温和，但又会不时展露纯粹可爱一面嘅男男女女（有网民提到Philosykos系大人の可爱感，大家姐喺认同嘅～）
Aesop与调香师赛琳．巴雷尔（Céline Barel）合作，研发7年时间嘅悟香水，灵感来源自王家卫的电影《花样年华》；超现实艺术家基里诃（Giorgio de Chirico）；几首塞吉．甘斯柏（Serge Gainsbourg）的歌曲；以及一种绿色（彩通色号 #363），打造出充满清新绿意香调结合地中海气息，以当代角度重新绎了旧世界古龙水。悟香水三大成分：日本香橙、岩兰草(香根草)、罗勒，大量罗勒调配，并散发出阵阵柑橘清香，极具鲜明嘅现代感，活泼嘅香调个性，令人感到活力充沛。
前调：日本香橙、罗勒、丁香
中调：迷迭香、薄荷、甜茴香
后调：雪松、岩兰草之心、琥珀
大家姐点评：清新草本柑橘调，闻上去感觉系暖阳光洒落草地嘅感觉。开头嘅柑橘调有新鲜柚子微苦香气，酸酸涩涩，清新淡雅，有股日式天然宁静味道。罗勒与香根草慢慢出现，带出清凉草本气息，香水感觉充满清爽绿意，后面香辛料同木质香有温暖低调嘅氛围，系清新大自然嘅感觉。不过留香时间短，维持3-5小时左右。
最啱有书卷味，气质淡雅嘅人最适合，喷上去营造出干净氛围。
树果19亦被戏称为「清水19」。原因系渠闻起嚟似雨后嘅味道，水气从潮湿嘅大地蒸发嘅感觉，正正就系Petrichor嘅味道，系初雨嘅香气。干爽嘅杜松子、广藿香，以及充满绿意嘅叶子，干燥后又被大雨浸润所散发嘅味道，就似是雨后味道制成标本一样。
以干杜松子和广藿香为主要调性，结合浆果、棉花、鼠尾草和麝香，复制闷热干燥的雨后那股自然淡雅的气息，充满木质和青草的馥郁柔软，让人一喷洒上就能感受到阵雨过后的宜人舒适。
前调：浆果、棉花
中调：绿叶
后调：广藿香、麝香、杜松
大家姐点评：以干杜松子和广藿香为主调，结合浆果、棉花、鼠尾草及麝香，营造出恬静柔软嘅香气，还原夏日微雨，雨后大自然嘅水气味道，非常清凉。大家姐闻到有啲泥味，但木质及青草香气包围下，营造出独特柔和之感。
适合氛围恬静，偏知性嘅人群。
撰文：Timable大家姐
图片来源：Jo Malone London@IG、byredo@FB/官网、Diptyque@FB/官网、Aesop@官网、LE LABO@IG
延伸阅读：
【睇剧2022】Netflix 4月上架韩剧推介 打发时间实有嘢睇！
详情：https://timable.com//zh-hk/blog/2161103
【防晒2022】小编室大家姐点评｜亲测4款脸部防晒 清爽高效防晒 边款最好用
详情：https://timable.com/blog/2168422
【复活节2022】精选酒店Staycation优惠餐饮住宿套餐｜有海景浴缸｜人均$809起
详情：https://timable.com/blog/2156572
Follow埋Timable FB同IG
FB：https://www.facebook.com/timable.hk
IG：https://www.instagram.com/timable/
立即下载Timable App，随时随地捕捉本地活动资讯
iOS/Android：https://bit.ly/timable_app
