随住本地疫情放缓,政府亦喺早前宣布咗会逐步放宽社交距离措拖,而包括戏院在内嘅公众娱乐场所亦将会重开!所以一众片商都开始将之前因为戏院关闭而延期嘅电影,排返上映日期~

小薯仔就首先整理咗 4 月 21 日上映嘅戏,一齐嚟睇下啦:

入场买飞前请注意:
根据香港政府公布之《预防及控制疾病(规定及指示)(业务及处所)规例》(第599F章)及《预防及控制疾病(疫苗通行证)规例》(第599L章)
2022 年 4 月 21 日至 4 月 29 日,入场观众需要打至少一针或持有效豁免证明;
2022 年 4 月 30 日至 5 月 30 日,入场观众需要打至少两针或持有效豁免证明。

而入场前戏院职员会检查顾客嘅安心出行及「疫苗通行证」。持有「有效豁免证明」之观众,请出示实体证明书或包括二维码嘅纪录畀返职员扫描。



《星梦动物园 2》
粤语版配音:Gigi 梁咏琪、黄德斌、柯炜林、陈苇璇、Mischa 叶巧琳
详情:https://timable.com/event/2005096

故事简介:大剧院老板树熊阿毕同他嘅 SING 梦班底,凭住精彩演出,成功令新毕氏剧院谷底反弹。而雄心勃勃嘅阿毕更决定进军殿堂级舞台,喺世界知名嘅基斯托大楼影院开骚,但渠先要得到大老板灰狼大亨·基斯托首肯。猪舞王威猛先生忽发奇想,提议新骚由收山多年嘅摇滚传奇狮子罗威担大旗,而呢个大胆构思竟然得到大老板嘅赏识!阿毕为圆梦,硬住头皮出尽浑身解数去游说对方复出。呢个寻梦过程刺激又有趣,最重要系令巨 SING 帮一众弟兄姊妹们,再次感受到音乐能够治愈人心嘅无比威力!

* 本身排喺贺岁档期上嘅《星梦动物园 2》,系呢个档期中少数排喺戏院重开后即刻上嘅。第一集《星梦动物园》2016 年喺香港上映嘅时候,成续非常好,唔知第二集会唔会再创票房佳绩呢?


《月球陨落》
主演:荷尔芭莉 (Halle Berry)、柏德烈韦逊 (Patrick Wilson)、约翰毕利 (John Bradley)、米高班纳 (Michael Peña)、查理庞马 (Charlie Plummer)、于文文 (Kelly Yu)、当奴修打兰 (Donald Sutherland)
详情:https://timable.com/event/2043614

故事简介:人类面临灭绝浩劫,美国太空总署署长(荷尔芭莉 饰)同月球阴谋论天才(尊毕利 饰)联同前顶尖太空人(柏德烈韦逊 饰)组成太空团队,肩负起人类生存嘅最后希望-阻止月球陨落。而太空团队登月后发现月球竟然系个高科技巨型基地⋯⋯


《蓝宇》20 周年纪念 4K 修复版 (III)
主演:胡军、刘燁
详情:https://timable.com/event/2100815

故事简介:高干子弟陈捍东(胡军 饰)喺下属嘅引荐下,邂逅由东北去到北京求学嘅青年蓝宇(刘燁 饰)。蓝宇因为生活所逼,只能选择出卖肉体,因缘际会下就成为咗捍东嘅交往对象。两个人本来订好「好聚好散」嘅游戏规则,点知擦出火花,喺世所不容嘅情网中越陷越深⋯⋯

* 系华语电影嘅一套 BL 经典之作!当年首次上映嗰阵有睇过嘅观众,相信都仲记得陈捍东同蓝宇嘅故事,配上黄品源嘅〈你怎么舍得我难过〉,真系流过唔少眼泪。


《夺命狂呼》
主演:莉芙金宝 (Neve Campbell)、大卫雅奇 (David Arquette)、歌迪妮觉丝 (Courteney Cox)、积奎尔 (Jack Quaid)、珍娜奥蒂嘉 (Jenna Ortega)
详情:https://timable.com/event/2106554

故事简介:鬼面杀手再度出现,新一批受害者全部同胡士堡(Woodsboro)呢个小镇过往嘅秘密有关!薛妮(Sidney Prescott)同警长杜威(Dewey Riley)夫妇又卷入血腥漩涡,唯有凭住过往多次逃出生天嘅经验,同鬼面杀手决一死战!

* 系《夺命狂呼》系列嘅第五套电影


《死亡立方》
主演:菅田将晖、杏、冈田将生、田代辉、齐藤工、吉田钢太郎
详情:https://timable.com/event/2110524

故事简介:六个互不相识又毫无关系嘅男女醒嗰阵发现自己被困喺一个神秘立方体迷宫中。喺呢个无法理解嘅处境下,渠哋尝试寻找出口,点知遇上各种致命陷阱,除非可以破解立方体中嘅神秘密码,否则死路一条。不安焦虑将六个人嘅精神同肉体逼至极限,而人性丑陋一面亦渐渐浮现⋯⋯渠哋当中有冇人能够活生生咁行返出去?

* 改编重拍至加拿大导演云新素拿他利嘅科幻惊栗悬疑电影《心慌方》(CUBE)


《怪兽与邓不利多的秘密》
主演:艾迪烈柏尼 (Eddie Redmayne)、祖迪罗 (Jude Law)、丹方格 (Dan Fogler)、艾萨米勒 (Ezra Miller)、丹方格 (Dan Fogler)、哥伦杜纳 (Callum Turner)、嘉芙莲禾达史东 (Katherine Waterston)、艾历逊苏度 (Alison Sudol)、麦斯米克森 (Mads Mikkelsen)
详情:https://timable.com/event/2110836

故事简介:邓不利多(祖迪罗)得知法力强大嘅黑巫师葛林戴华德(麦斯米克森)企图统治魔法世界,于是就派纽特(艾迪烈柏尼)带领一班强悍嘅魔法师,加多一个勇字当头嘅麻瓜,携手执行危险任务。过程中遇上无数奇珍异兽,仲同葛林戴华德日益壮大嘅追随者们正面交锋!危机逼近,喺魔法世界战况刻不容缓嘅情况下,邓不利多仲可唔可以继续袖手旁观?

*《怪兽与它们的产地》系列第三部曲!有睇开嘅朋友,或者系《哈利波特 (Harry Porter)》粉丝,呢套电影应该都唔会错过~


《变钛》(III)
主演:云逊连顿 (Vincent Lindon)、雅嘉特鲁塞尔 (Agathe Rousselle)
详情:https://timable.com/event/2112475

故事简介:Alexia 细个曾经喺车祸中同死神擦身而过,好彩及时做手术换上钛金属头皮,而渠大个后就癖恋汽车,更爱车爱到做埋车展性感女郎。因为一次被粉丝追踪而杀咗对方后,她就变到肆无忌惮咁杀人,继而踏上逃亡之旅⋯⋯

* 获得第 74 届康城影展最高荣誉金棕榈奖


《丧尽癫才》
主演:尼古拉斯基治 (Nicolas Cage)、贝哲罗柏斯卡 (Pedro Pascal)、蒂芬妮夏迪舒 (Tiffany Haddish)、尼奥柏德烈夏里斯 (Neil Patrick Harris)
详情:https://timable.com/event/2112475

故事简介:怀才不遇嘅前巨星基治 (尼古拉斯基治) 濒临破产边缘,唯有出卖自己,出席疯狂「基粉」富豪哈维 (贝哲罗柏斯卡) 嘅生日派对,以赚取 100 万酬劳。估唔到之后 CIA 特工踢爆哈维原来系大毒枭,仲要求基治帮手做卧底救出人质!于是,基治决心尽地一煲,挑战成世人最破格嘅角色:「尼古拉斯基治」!

* 尼古拉斯基治「做自己」之作,仲喺戏中自嘲自己事业兜踎、滥拍、豪使、欠债同破产!


《二人小町》(只限指定戏院上映)
主演:和泉素行、陈汉娜、刘漪琳、滨津隆之
详情:https://timable.com/event/2174138

故事简介:死神王喜龙(和泉素行 饰)爱上咗要带去地狱嘅女仔-黎小町。为咗带渠去地狱,王喜龙慢慢接近渠,仲喺同渠发生亲密关系嘅某个月圆之夜,坦白自己死神嘅身分。后来王喜龙同小町讲,自己可以带走另一名和渠同名同姓同年出生嘅女仔,小町为咗求生,便话畀王喜龙知,自己有个符合晒条件嘅好友。估唔到去搵另一个「黎小町」嘅王喜龙,竟同对方陷入咗真正嘅爱情⋯⋯

《幪面超人 Beyond Generations》
详情:https://timable.com/event/2172986

故事简介:从过去,连接现在,通往未来。幪面超人圣刃同幪面超人 REVICE 联手,揭露幪面超人跨越 100 年嘅秘密!

* 幪面超人 50 周年纪念电影

《剧场版 Free! -the Final Stroke- 前篇》
详情:https://timable.com/event/2172994

故事简介:一班热血嘅追梦者将要游向世界舞台!喺梦想之地‧悉尼,他们又会睇到咩景色? 赌上一切,向世界挑战!

* 《Free!》系列最终章

《古董局中局》
详情:https://timable.com/event/2177815

故事简介:「夺宝小分队」成员许愿(雷佳音 饰)、药不然(李现 饰)、黄烟烟(辛芷蕾 饰)、付贵(葛优 饰)又鉴宝又墓室探险,一场围绕国宝佛头展开嘅古玩江湖惊世骗局即将上演。

另外,《史宾沙》会再度上映;《梅艳芳》同啱啱攞咗本年奥斯卡最佳国际电影嘅《Drive My Car》亦会继续上映


撰文:小薯仔
资料及照片来源:各电影之发行公司


延伸阅读:
【睇电影2022】戏院重开后有咩戏睇?一文整理4月上映电影 (下)
https://timable.com/blog/2173599

哥哥张国荣5套电影推介 当中有你钟情嘅作品吗?
https://timable.com/blog/2163967


Follow埋Timable FB同IG
FB:https://www.facebook.com/timable.hk
IG:https://www.instagram.com/timable/

立即下载Timable App,随时随地捕捉本地活动资讯
iOS/Android:https://bit.ly/timable_app