【金像奖2022】金像奖4位入围最佳男主角 大前辈同新人边位会脱颖而出？

今届金像奖将会喺 7 月 17 日假九龙湾国际展质中心汇星举行，而所有奖项嘅提名名单都已经喺 2 月公布咗。之前介绍过入围最佳男女配角同最佳女主角嘅演员，今次会讲入围最佳男主角嘅演员，包括林家栋、谢贤、梁仲恒同埋吴镇宇。

小薯仔就整理咗 4 位入围演员嘅简介，一齐嚟睇下啦：



林家栋《手卷烟》《智齿》
演员 Facebook：https://www.facebook.com/lamkatung
喺电视台出身嘅林家栋，曾经做过好多电视剧嘅男主角，不过喺 2000 年代后，就专注电影拍摄。「转型」后嘅渠，电影产量都唔少，亦得到好多渠系好戏之人嘅认同。但直到 2017 年，先凭《树大招风》首次获得香港电影金像奖嘅最佳男主角提名，同时亦获得呢个奖项。今次系渠第二次入围，都系第一次以两套电影获得「影帝」双提名。

渠喺《手卷烟》同《智齿》两套电影中所饰演嘅角色外型上有啲啲相似嘅感觉，实际上性格、背景就非常唔同：《手卷烟》中，渠系游走喺几个黑帮堂口嘅退役「华裔英兵」关超，以走私金钱龟同水货为生。渠演嗰种被压逼嘅江湖小人物就好入型入格，而且戏中同喺边缘挣扎嘅古惑仔文尼嗰段由互相利用到惺惺相惜嘅关系，都做得好有层次，结合埋戏外渠零片酬演出去支持新导演，唔少观众都将呢分加埋落演技到；到《智齿》就变成重案组资深警察，不过对因毒驾撞伤渠妻子嘅街童王桃就恨之入骨。而重遇呢个「凶手」后就激发起滔天恨意。相比起《手卷烟》，《智齿》嘅角色比较阴沉，因为对白唔多，要点样诠释角色嘅性格矛盾，仲有绝望无力，都系个挑战。最后出嚟嘅成品，就令好多观众都对渠嘅演绎有非常多嘅正面评价！


谢贤《杀出个黄昏》
人称「四哥」嘅谢贤，系入围者中，演艺经验最丰富，亦系最年长嘅获提名演员！由 1953 年踏入影坛至今，演出过无数黑白同彩色电影，仲有接近三十套电视剧，但获奖嘅次数寥寥可数。喺金像奖中，除咗曾经喺 2019 年获得终身成就奖外，今次其实系渠第一次获得最佳男主角嘅提名！

喺戏中，渠饰演田立秋－60 年代叱咤江湖嘅一个杀手组织主力，拥有一身曾经令人闻风丧胆嘅好刀法，不过过咗花甲之年，只能回归平凡，手脚又变慢，甚至连整刀削面都敌不过机器。某日因为冯宝宝饰演嘅副主力蔡凤搵渠出山，帮生无可恋嘅老人了结生命，令渠遇上被「中出即飞」一心寻死嘅少女，仲被少女改变咗。监制林家栋说服咗四哥除低渠最标志性嘅黑超去演出，而四哥亦演活咗一个步入黄昏嘅老年人嗰种孤独，同埋遇到少女钟雪莹后嘅变化，唔少观众都大赞渠嘅演绎非常出色！

甚至渠喺年头嘅第 28 届香港电影评论学会大奖，同埋新鲜热辣出炉嘅第 18 届香港电影导演会年度大奖，分别获得最佳男演员同最佳男主角，更加令渠被视为今届金像奖嘅夺奖大热，有机会从影 69 年嚟，首次喺金像奖问鼎影帝！


梁仲恒《妈妈的神奇小子》
演员 IG：https://www.instagram.com/bing0606
今届获得最佳男主角提名嘅名单中，有最年长最深资历嘅谢贤，亦有相对年轻，仲系初次踏入影圈嘅梁仲恒 (阿炳)。渠喺香港演艺学院戏剧学院以一级荣誉毕业后，就做咗全职嘅舞台剧演员，演出过好多套舞台剧。通过试镜获得第一次拍摄电影嘅机会，呢套电影仲为渠带嚟人生中首个金像奖最佳男主角以及最佳新演员提名。

戏中渠饰演成年版嘅苏桦伟。喺真正入组前，渠除咗自己用半年时间练跑，就系相约现实喺同一个屋邨长大嘅苏桦伟一齐打机、倾偈同跑步，再从中留意苏桦伟嘅说话、对答方式，仲有举止；进入拍摄后，渠就将嗰段时间嘅准备全部投入落角色。最后真正喺大银幕放映嘅时候，渠嘅演出就大获好评，触动到好多观众嘅心！亦因为渠将戏中嘅苏桦伟演绎得形神兼备，唔少人甚至以为渠本身都系一位身体唔健全嘅人士，所以都有好多人睇好渠有机会攞奖㗎！


吴镇宇《浊水漂流》
演员 Facebook：https://www.facebook.com/FrancisNg.Page
同样系电视台出身嘅吴镇宇，都系由电视剧转战电影，早期多数做小角色嘅渠，喺《古惑仔》系列开始奠定喺影圈嘅地位。过去曾经 5 次获提名金像奖最佳男主角，今次系渠第 6 次获得呢个奖项嘅提名。

喺《浊水漂流》呢套戏，渠负责两个部分，一个系出品人，另一个就系最主要嘅男角色－露宿者辉哥。从影以嚟首次出演露宿者呢个类型嘅角色，无论系角色造型定系言行，好似系大量粗口同吸毒场面，都好「贴地」，而且渠喺戏中嘅台词，亦引起咗好多观众嘅共鸣；另外同「木仔」柯炜林嘅对手戏同埋同其他露宿者嘅群戏，亦有好多人觉得好正！不过都有唔少人认为由谢君豪饰演嘅老爷比较突出，所以就要睇下渠喺戏中嘅演出，会唔会说服到一众相关人士投渠票了～

以上嘅电影中，《智齿》，《浊水漂流》及《梅艳芳》都已经串流上咗香港 Disney+！大家可以喺金像奖颁奖礼前重温各位入围演员嘅演出。
未有 Disney+ 睇唔到？立即订阅：http://disneyplus.bn5x.net/e42ooX


撰文：小薯仔
资料来源：维基百科、香港电影金像奖网页、媒体访问及网上资料
照片来源：《妈妈的神奇小子》、《杀出个黄昏》、《浊水漂流》、《手卷烟》Facebook；浸大电影学院网站；IMDb

---

延伸阅读：

【金像奖2022】金像奖5位入围最佳女主角 前辈新人各有优势
https://timable.com/blog/2163068

【金像奖2022】金像奖5位入围最佳男配角 前辈新人各有千秋
https://timable.com/blog/2156900

【金像奖2022】金像奖5位入围最佳女配角 前辈新人竞争激烈
https://timable.com/blog/2150199

【金像奖2022】今届角逐各奖项嘅电影你睇过几多？一文整理20套获提名电影
https://timable.com/blog/2133881


Follow埋Timable FB同IG
FB：https://www.facebook.com/timable.hk
IG：https://www.instagram.com/timable/

立即下载Timable App，随时随地捕捉本地活动资讯
iOS/Android：https://bit.ly/timable_app