实体展览陆续恢复,嚟到5月又点可以错过参与年度艺术盛事 – Art Central 同Art Basel?而家搭东铁綫过海超方便,5分钟就可以由红磡直达会展站,经B3出口步行去香港会议展览中心都只系需约4分钟,大大拉近你同艺术嘅距离~



【参与两大艺术盛会 会展站近在咫尺】

Art Central
今届除咗有更多嘅参展画廊外,Art Central 将于展期内举行丰富活动,其中包括公共艺术装置,以及由教育合作伙伴亚洲协会香港中心策划嘅一系列讲座同新录像艺术,保证引人入胜。


日期(公众参观):2022年5月26日 - 29日
详情:https://timable.com/event/2112659



Art Basel 巴赛尔艺术展香港展会 2022
今年嘅Art Basel 于「艺廊薈萃」、「亚洲视野」及「艺术探新」展示 130 间参展艺廊代理嘅作品。现场设有多个独立卫星展位,俾嚟自亚洲以至世界各地、因旅游限制而未能亲身莅临现场嘅艺廊展示渠哋出色嘅策展项目,并由巴塞尔艺术展委托本地代表向观众现场介绍不同作品。

相片由巴塞尔艺术展提供

日期(公众参观):2022年5月27日 - 29日
详情:https://timable.com/event/2003546

交通方法:东铁綫会展站B3出口步行约4分钟



【会展站人气艺术墙 沿綫艺术品列阵】

想再近距离啲欣赏艺术作品?东铁沿綫车站都有唔少隐藏嘅艺术品等你发掘,由全新会展出发搭一个站去红磡或金钟站都有,即睇以下介绍:

第一站 - 会展站《水记忆》


新建会展站内最受市民关注嘅,除咗系建造车站时喺工地发现嘅AN-M65型战时炸弹外,当然仲有横跨三层嘅巨型艺术墙《水记忆》。

呢个巨型摄影马赛克系由本地艺术家梁志和创作,放置于由大堂通往月台楼梯面向维港嘅墙身。艺术家为咗呢个规模庞大嘅作品,用咗超过一年实地拍摄收集图像拍摄日出至日落之间不同时刻嘅维港海浪,合共影咗8千几帧相片,最后组合约1,200幅不同型态嘅海浪相片放喺墙身,犹如将车站沉浸喺海浪之中,吸引好多人喺度打卡影相提提大家影相时注意安全呀!

地点:会展站-车站大堂和上下层月台楼梯



第二站 - 金钟站《引领前行》


东铁綫延伸过海后,金钟站即成为超级转车站,连接东铁綫、荃湾綫、港岛綫及南港岛綫,因此启发美国艺术家Talley Fisher,创作出金钟站壮观嘅悬浮雕塑《引领前行》。于多条扶手电梯之上悬挂巨型雕塑,设计概念源自港铁路綫图嘅影像,象征金钟站四綫汇聚,见到四条路綫相互交错,自不然令人联想到乘客熙来攘往嘅情境。

地点:金钟站-大堂中庭近E出入口



第三站 - 红磡站《失而复得》


东铁綫红磡站转用新月台环境舒服好多。大家等车时不妨探索下喺东铁綫同屯马綫月台不同位置摆放嘅艺术装置,名为《失而复得》。作品由艺术家林岚创作,利用石材、金属同铝等素材作雕塑,并以抽象手法展现不同年代嘅行李,再配合月台地上经典尼龙袋图案,令作品更丰富有趣。

地点:红磡站-上层及下层月台

了解更多港铁车站艺术:http://www.artinmtr.com.hk/ 



延伸阅读:


【中环好去处2022】Art Basel必睇打卡位一览 精选作品推介|香港艺术家以MIRROR作灵感+BTS队长RM同系列艺术品收藏
详情:https://timable.com/blog/2205596


【艺文青】编辑推介5月份展览
详情:https://timable.com/blog/2191110

【中环好去处2022】5-6月中上环艺游 必睇展览活动一览 大型艺术盛事
详情:https://timable.com/blog/2201543

【香港野餐2022】港岛区野餐地点推介|靚景睇日落|周末好去处
详情:https://timable.com/blog/2173447

【香港郊游路线2022】港岛热门靚景打卡位|轻松到达最啱睇日落|周末好去处
详情:https://timable.com/blog/2169446




Follow埋Timable FB同IG
FB:https://www.facebook.com/timable.hk
IG:https://www.instagram.com/timable/

立即下载Timable App,随时随地捕捉本地活动资讯
iOS/Android: https://bit.ly/timable_app