【尖沙咀美食2022】快闪75折优惠！任食正宗印度咖喱｜周末午市自助餐

坊间有唔少不同种类嘅任食自助餐，由点心任食至到榴槤任食都有。今次为大家介绍嘅系印度菜自助餐，钟意印度及地中海风情嘅你就要留意啦！

---

餐厅Carat嘅自助餐，包括30多种印度及地中海美食。小编觉得餐厅嘅环境十分之舒适，好适合家庭及朋友聚会。枱与枱之间嘅距离唔会太过近，零压迫感。最特别嘅系有户外露天花园，天气好嘅时候，仲有机会见到印度主厨炮制不同嘅印度街头小食，体验一流！


在场可以见到唔少印巴借人士，带埋一家大细嚟聚餐，可想而知呢度嘅印度菜系有几咁正宗及地道。印度菜嘅精髓在于香料嘅运用，而餐厅主厨曾任职孟买君悦酒店，渠以20多款印度香料，调制成印度南北唔同嘅风味，再搭配印度常用食材，烹调出五花八门嘅头盘。只系讲印度咖喱，都可以见到在场有起码六款嘅印度南北咖哩。再加上多款天多利炉烤制嘅印度薄饼、烧肉及芝士，比起其他印度餐厅更加多元化。

薄煎饼 (Uttapam)

印度特色鹰嘴豆空心脆

自助区的右边有印度厨师即场烹调美食，分别有薄煎饼 (Uttapam)，口感似热香饼，但渠哋会加入蕃茄粒、洋葱粒及辣椒粒等，之后可以淋上椰子制成嘅酱汁，或咖喱汁；印度特色鹰嘴豆空心脆，小编觉得呢个菜式最好食，一啖放入口，咬落去先系脆口嘅外层，然后内裏嘅乳酪及罗望子酸辣酱一拥而上，酸酸甜甜几开胃；脆炸小扁豆饼，制作嘅材料同空心脆相似；仲有即场炒嘅蕃茄螺丝粉。


自助区嘅主食有鸡肉香饭 (Chicken Biryani)，鸡肉以香料腌制，再配上印度长米饭，够晒惹味。茴香饭 (Jeera Rice) ，印度长米饭配上有独特香味嘅小茴香，就咁食都唔会太单调。唔钟意食饭嘅你，可以用印度烤饼嚟配上唔同嘅咖喱，别有一番风味！


咖喱方面都有多款可以选择，而且渠哋嘅咖喱唔算辣，谭仔嘅十小辣比渠更加辣。Mirch Ka Salan 食落系普通嘅咖喱，冇乜其他配料，唔算太浓味；印度乡村芝士球咖喱 Faldari Kofta Curry，芝士球食落几特别，芝士味唔算太突出；海鲜咖喱 (Andhra Seafood Curry)，入面有三文鱼粒及虾仁，味道甜甜地，都几好食；Goshi Rara 加入牛肉，肉质够淋唔太硬，味道比较浓郁，重口味人士必试。


另外仲有其他小食，包括印度菜炒薯仔 (Methi Aloo)，薯仔加入有独特香味嘅印度菜，钟意食薯仔嘅你一定要试吓；秘制乳酪酱咖喱薯角 (Kaju Muttor Samosa)，有别于平时食到嘅薯仔咖喱角，味道独特；北印度香料阿母利则鱼 (Fish Amritsari)，外层有一层薄薄嘅炸皮，有少少香料嘅味道，内裏嘅鱼肉够嫩滑；Murgh Hariyali Tikka 烤鸡够嫩滑，配上绿色嘅酱汁有少少似青酱；香烤茅屋芝士 (Paneer Tikka)，有少少creamcheese味，钟意食芝士嘅你可以试吓；Paneer Korma 系有汁版本嘅 Paneer Tikka。

秘制印度甜奶球 (图左)；杏仁碎奶蜜豆蔻煮甘笋蓉 (图右)

另外仲有多款地中海清新爽口沙律，甜品方面有杏仁碎奶蜜豆蔻煮甘笋蓉 (Gajjar Ka Halwa) 及秘制印度甜奶球 (Homemade Rasmalai)，大家可以拎少少试吓，小编就觉得偏甜，不过味道都唔错。自助餐每人亦包一杯饮品，可以选择餐厅嘅招牌Lassi Mango 芒果特饮，或者其他饮品。

餐厅会定期更换自助餐菜式，所以以上嘅食评只供参考，如果真系好想食某种菜式嘅话，可以去之前打电话去查询一下。

【KKday 独家快闪优惠低至75折｜四人同行 - 买三送一】尖沙咀 Carat Indian and Mediterranean 印度地中海周末午市自助餐
优惠：$984/4位，平均 $246 (另收加一服务费) (原价：$1,312/4位)

【快闪 85 折】尖沙咀 Carat Indian and Mediterranean 印度地中海周末午市自助餐
优惠：成人 $278/位；儿童 (3 - 11 岁) 及长者 (65 岁以上) $228/位 (另收加一服务费) (原价：$328/位)

立刻订坐：https://bit.ly/3zNvAtl
详情：https://timable.com/event/2218650


CARAT Fine Indian and Mediterranean Cuisine
地址：香港尖沙咀宝勒巷6-8A号盈丰商业大厦4楼
电话：2391 3929
营业时间：中午12时 - 下午10时半

编辑：Athena

---

延伸阅读：


【中秋月饼2022】香港月饼推介 早鸟优惠低至8折｜低糖月饼／流心榴槤月饼／松露黑毛猪果仁月饼
详情：https://timable.com/blog/2217921

【中环Café】6间中环高质咖啡店推介 特色打卡文青小店 ｜精品咖啡/梳乎厘Pancake/手工Bagel/生酮餐单
详情：https://timable.com/blog/2200406

【父亲节2022】6月精选中菜／点心优惠餐厅推介｜限时48折优惠
详情：https://timable.com/blog/2192721

【新手下厨】植物肉食谱 极邪恶芝士炸肉扒+蚂蚁上树
详情：https://timable.com/blog/2174275

---

Follow埋Timable FB同IG
FB：https://www.facebook.com/timable.hk
IG：https://www.instagram.com/timable/

立即下载Timable App，随时随地捕捉本地活动资讯
iOS/Android: https://bit.ly/timable_app