【香港周围游】香港故宫6大打卡位 绝美星海/无敌海景观景台/落地玻璃窗/浪漫日落｜当代建筑交融古典设计美学

香港故宫文化博物馆由本地知名建筑师严迅奇设计，楼高七层嘅香港故宫，总建筑面积约3万平方米！香港故宫建筑外观未有完全模仿北京故宫，相反以简洁嘅现代建筑线，融入故宫嘅古典设计美学，比如空间上以紫禁城建筑特色「中轴线」为概念、采用紫禁城建筑主色调等。

香港故宫即将开幕，等小T带大家率先睇吓里面嘅打卡位，严选6大必到位置，一齐影张靚相啦！

同场加映：
【艺文．生活】香港故宫文化博物馆7月开幕 九大展厅重点馆藏率先睇 国宝级文物/限定1个月展览
一文睇哂馆内必睇重点馆藏：https://timable.com/blog/2219952

---

打卡位1-2：展厅 7 古今无界：故宫文化再诠释
小T影相位置：《星垂平野》许方华
小T影相位置：《物化》吴子昆

展厅7系六位香港艺术家创作并诠释故宫文化嘅多媒体艺术展，当中呢两个绝美装置艺术作品，嚟到一定要影！走入许方华设计嘅《星垂平野》装置空间，就好似置身星河隧道中，间中仲有点点流星经过㗎，嚟到记得捉住渠地嘅尾巴。
另一作品系吴子昆嘅《物化》，观众可以走入漆黑嘅空间，里面布满大大小小以3D打印嘅白色展品，配合互动光影装置，可以影出特别又梦幻嘅相片。

---

打卡位3：西中庭 海景观景台

西中庭系3个中庭里面最打卡able！西中庭外面有个观景台，除咗望到大屿山外，更可以欣赏一览无遗嘅无敌大海景，系一个唔错嘅影相位！

图片：© 香港故宫文化博物馆

黄昏时仲有得睇日落景色，非常唯美。

---

打卡位4：西中庭/南中庭 落地玻璃窗
小T影相位置：西中庭

香港故宫有3个中庭空间，分别喺地面、二楼及四楼，面向唔同方位，地面中庭饱览西九文化区，而四楼嘅中庭面向大屿山，2楼南中庭则面向港岛嘅城市景，一览港岛天际线。西/南中庭位置有落地玻璃窗，欣赏香港靚景。

图片：© 香港故宫文化博物馆

中庭天花设计亦相当独特，设计灵感源于紫禁城屋顶嘅琉璃瓦，嚟到记得抬头欣赏下！

---

打卡位5：西中庭/南中庭 座椅
小T影相位置：西中庭

位于三楼、四楼中庭嘅座椅非常独特，呢啲作品系由知名室内设计师André Fu，为香港故宫设计！以中式瓦顶独有嘅轮廓为灵感来源，以中国橡木精制成两片弯曲嘅瓦片，为香港故宫嘅公共空间设计一系列以「环扣」为名嘅长凳。

---

打卡位6：南中庭 阶梯

连接二楼与三楼嘅南中庭阶梯别具特色，亦系其中一个必到打卡点！寛阔嘅大阶梯除咗可以供游人休憩外，更会不时举行小型文艺表演及讲座。

---

逢星期三更开放予公众免费入场参观1至7号展厅，不过同样要预约。
注意！首三个月不设现场售票，想去参观记得提前预约啦！
立即预订：https://bit.ly/3tzN2xC

香港故宫文化博物馆
地址：九龙佐敦区西九文化区博物馆道8号
开放时间：
逢星期一、三、四、日 10:00 - 18:00
逢星期五、六及公众假期 10:00 - 20:00（逢星期二及农历年初一及二休馆）

交通方式：乘坐港铁东涌綫或机场快綫到九龙站E出口，沿雅翔道步行至行人天桥。横过天桥后，即可进入西九文化区及博物馆。
亦可以在九龙站E出口转乘绿色专线小巴26、74、74S或74D直达博物馆。
详细交通及泊车资讯：：https://www.hkpm.org.hk/tc/visit/plan-your-visit#location-and-transportation

---

摄影：AL
撰文：RO

延伸阅读：


【艺文．生活】香港故宫文化博物馆7月开幕 九大展厅重点馆藏率先睇 国宝级文物/限定1个月展览
详情：https://timable.com/blog/2219952

【艺文．生活】香港当代艺术新游点！ 逾千展藏、6大专题展览 西九M+游记
详情：https://timable.com/blog/2097299

【香港郊游路线2022】港岛热门靚景打卡位｜轻松到达最啱睇日落｜周末好去处
详情：https://timable.com/blog/2169446

---

Follow埋Timable FB同IG
FB：https://www.facebook.com/timable.hk
IG：https://www.instagram.com/timable/

立即下载Timable App，随时随地捕捉本地活动资讯
iOS/Android: https://bit.ly/timable_app