[率先试行] 希慎广场 Hysan Place - 铜锣湾新地标

作者: Timable, 2012年8月9日 (四) 上午8时55分



早前Timable同大家介绍过铜锣湾的新地标"希慎广场Hysan Place"8月10日 1:30pm 就正式开幕喇~

今日(8月9日)Timable获邀率先参观,先睹为快,大家睇完呢篇报导,听日去玩时就唔会盲中中了!

首先,点去先? 最方便o既就系搭地铁啦! 接驳地铁站有个新出口F2! 落雨冇带遮都唔怕会湿啦~ 另外仲有2个出口,一个o系轩尼诗道(CWB大马路).一个o系启超道(行去Time Square o个条路),条条大路通Hysan,方便!


由启超道特色正门一入,1/F 最容易发现的就是GAP了~ 大家一定忍唔住有理冇理冲左入去先啦!

图: 呢个靚仔d,定系德国体操男靚仔d?

上一层,就是另外一间期待已久的Hollister! 不过呢间要8月25日先开呢~
同层,有个十分超级崭新的服务: 中央攞位Counter! 以后想食边间野,唔驶跑跑跑上10几楼拎张飞,仲要分头走几间拎几张... o系呢个中央攞位Counter,你想食乜,几位美女就会帮你出飞,而且透过中央嗌飞系统,就可以睇到几时到你张枱,唔驶湿湿下平都惊住张飞过左冇得食,实在系太创新又帮到手,湿平都湿得开心又放心啦~


上到4/F,超过1万呎的空中花园,此乃环保o既设计,减少屏风效应,又可以o系度望下CWB的景色,吹吹风,心旷神怡!


到6/F,Garden of Eden伊甸园,女士专层,fashion & beauty,仲有dessert,男士银包出血重灾区.


上7/F,银包一样出事,鞋履专层,正所谓"女人开心买鞋,唔开心又买鞋",男士就得个"唉"...

继续向上走,终于找到男士避难所,万众期待的诚品香港是也!!! 可惜小记今日都冇得入,咁大家自己去睇吧!
诚品 香港 开幕日 on Timable:
http://www.timable.com/event.php?eid=44974



诚品呢家野,行一行,快则1粒钟,慢则几粒钟,实会肚饿脚仔软,o岩晒,诚品楼上就是Food Court, Kitchen 11. (即系K11? Ha! 不能咁样讲的,人家是competitor喔!) 有11间食肆任拣,装修有家的感觉,总会搵到o岩野食~


o岩o岩出粮/另一半生日/朋友有喜庆事想食豪d? 12~14/F大把好野食比你拣! 辛苦搵来志在食嘛,间唔中对自己好d吧~

咁!!! 说好的苹果呢??? 官方仲未讲得! 在那个疑似Apple Store的超大铺位的围板下,小记偷偷看偷偷望,依稀见到少少类似ifc生果铺的装潢,不过仲系沙尘滚滚,系都唔会咁快开了!

真系咁想买苹果? 落地库B2 层Jason Food & Living! 大把生果比你拣~


后记:
宅男小记有很多大品牌都唔识,如Nannette Lepore, REDValentino, 6ixty 8ighy, Deicy, Double Standard Clothing, Language, NINE, SHEL'TTER,好多都系首次进驻香港,女士应该好开心,你们自己来观摩下喇~
其实小记一心来这个Media Tour是想看诚品的...

希慎广场 Hysan Place 开幕日on Timable:
http://www.timable.com/event.php?eid=42994

Timable采访: 黑莓 (09/08/2012)