报名
2022年5月21日 ‑ 22日 (每日) 上午11时 ‑ 下午7时 (8小时)
PMQ 元创方 G/F Courtyard & Marketplace 》香港中环鸭巴甸街35号
2022年5月21日 ‑ 22日 (每日) 上午11时 ‑ 下午7时 (8小时)
香港中环鸭巴甸街35号
免费
提供


趁住疫情好返啲,把握机会同屋企人或者朋友去行下市集,放松下啦!

「Homeland」,我们的「家园」,即系香港。
Homeland=Home + Land,「Homeland」亦代表香港系一个载满咗无数家庭嘅小岛,喺呢个小岛上,每位都努力寻找属于自己家庭嘅幸福。面对近年社会发展﹑家庭结构转型﹑疫情﹑社会变化等等嘅转变,我哋可以点样喺呢个小岛寻找「转变中的家庭幸福」?

作为「家福月」嘅重头戏,由香港家庭福利会(家福会)主办,联乘白纸市集嘅「Homeland」家庭市集将于今个月21及22号同大家见面啦!今次搵嚟网络人气插画师Oh...little sweet作大会设计,又以「转变中的家庭幸福」为主题画出一系列令人联想到家庭幸福嘅作品,靠住充满家庭欢乐嘅设计同埋六大场区嘅活动内容,希望大家嚟到呢个市集都会感受到暖暖嘅幸福感。我哋嘅「家福月」大使岑珈其都会喺5月21号同大家见面,喺中午12点半嘅开幕礼分享维持家庭幸福嘅心得同埋做一阵店主㗎!

购物x游玩x教育 一次过满足晒一家大细嘅Family Day活动
「Homeland」家庭市集为大家带嚟超过80个「家庭友善」嘅本地品牌,除咗唔少品牌嘅背景或者产品都同「家庭」有关,仲联乘5个档主推出「Homeland」限定嘅点题産品。另外,大会准备咗不同类型嘅免费家庭及个人手作工作坊(需预约,有少量现场报名名额)、插画师Oh...little sweet嘅作品展览、小童活动区等丰富内容,仲有千祈唔好错过位于二楼The QUBE 嘅「古典相机即影即有」留影区,同埋每日限定嘅现场音乐表演,表演单位包括Fuk Fu福富、ELKA(郑芷淇)、乐队COPAK同埋呀妹(黄敏蕎),等大家喺热闹嘅气氛之下同屋企人留低快乐回忆!

以「家庭」作为灵感嘅点题产品,令你更有家嘅感觉

自由定价,同你最爱嘅人影张靚相,好好记住依一刻,留住温度

另外大家入场嘅时候就会收到印章地图,记得行晒全个市集,储齐印章就可以去接待处换领丰富礼物啦!大会仲安排咗游戏摊位同埋扭蛋机俾大家一齐搵返童心,分别可以拎到唔同嘅小礼物同埋市集优惠卷,真系唔好错过呀!

首个以「家庭」为主题的市集 家福会多元宣传幸福秘诀
家福会一直以「以家为本」作为信念,提供多元嘅社会服务,而自2014年开始,家福会将每年五月份定为「家福月」,希望可以让公众认识重要嘅家庭价值。

「Homeland」家庭市集为今年家福月嘅重点活动之一,家福会希望透过今次市集让大家了解喺香港不断变化嘅情况底下,「家庭」呢个概念如何适应转变,从中衍生咗多元嘅家庭,例如双职家庭、多代家庭同宠物家庭等等,推动大家寻找属于自己嘅「家庭幸福」。

今个月21及22号就同屋企人去中环PMQ元创坊过一个快乐嘅周末啦!

【家福会 X 白纸市集 X Oh...little sweet - 「Homeland」家庭市集】
日期 : 2022年5月21-22日 (星期六至日)
时间 : 11:00am - 7:00pm
地点 : 中环PMQ元创坊 (地下Courtyard & Marketplace 及 二楼The QUBE)


市集工作坊:
《幸福家庭》心灵拼贴®️体验活动

日期|21-05-2022(六)
费用|免费(每位参加者需缴交$200按金作留位费使用,如果为家庭单位,按金按每个家庭单位计算,按金会在当日活动后退回)
时间|3:30pm-4:30pm 约1小时 (因应实际情况)
名额|8人 (可以以个人或家庭单位报名,每个家庭人数上限为2人)
地点|中环PMQ - Room H506
报名表格https://forms.gle/5kSaL2TWsSLjskdR9


家庭艺术工作坊 – 酒精墨水流动画
日期|22-05-2022(日)
费用|免费(每个家庭需缴交$200按金作留位费使用,按金会在当日活动前退回)
时间|约1小时
2:00pm-3:00pm (第一节) 3:00pm-4:00pm (第二节) 4:00pm-5:00pm (第三节) 5:00pm-6:00pm (第四节)
名额|4个家庭,每个家庭人数上限为3人 (儿童参加者为小三或以上可参加)
地点|中环PMQ - Room H506
报名表格https://forms.gle/5kSaL2TWsSLjskdR9

此工作坊特别注意事项
(i) 此工作坊需以家庭形式报名参加。
(ii) 由于工作坊使用酒精,为确保安全,参加者(儿童/青少年)必须为小三或以上。
(iii) 由于本工作坊使用酒精,如任何人士对酒精敏感,恕不能参加是次工作坊。


Homeland 个人工作坊详情
日期|21-05-2022(六)
A)TOTE BAG PAINTING工作坊
B)霓虹灯工作坊

费用|免费(每位参加者需缴交$200按金作留位费使用,按金会在当日活动前退回)
时间|约两小时 (因应实际情况) 12:00pm-2:00pm (第一节) 3:00pm-5:00pm (第二节)
名额|每节6人
年龄|适合18岁或以上
地点|中环PMQ - Room S302 / The QUBE
报名表格https://forms.gle/5kSaL2TWsSLjskdR9


日期|22-05-2022(日)
C)香水工作坊
D)月球灯工作坊

费用|免费(每位参加者需缴交$200按金作留位费使用,按金会在当日活动前退回)
时间|约两小时 (因应实际情况) 12:00pm-2:00pm (第一节) 3:00pm-5:00pm (第二节)
名额|每节6人
年龄|适合18岁或以上
地点|中环PMQ - Room S302 / The QUBE
报名表格https://forms.gle/5kSaL2TWsSLjskdR9


YouTube 影片
主办单位Google Form | 报名
5月5日 (四) 零时 开始

(已完结)