2022年8月13日 ‑ 14日 (每日) 上午11时 ‑ 下午8时 (9小时)
观塘兴业街4号
免费
提供


一提起观塘,你会諗到咩?多人到爆?见唔到尽头嘅工厦?定系塞到想呕?呢到好似无乜新嘅可能,但偏偏我哋就系要创造更多,变出更多可能!

今次共享空间 The Wave 同 非实力派 决定联手为观塘注入新气,大搞「凭实力塞爆观塘市集」!召集各路人物相聚,当中包括知名本地设计师、手作人、插画家同 Board Game 等等高手,实力搞个市集,以实力开心过 Summer!

以下系档主介绍 (排名不分先后):


欢乐马介休|IG:https://www.instagram.com/bacalhau.ent/
澳门好受关注嘅新媒体,由一班 80、90 后嘅后生仔女组成嘅团队,致力拍摄玩乐综艺为题材嘅网上影片,受到香港、澳门同埋邻近地区嘅网友欢迎。

特别系近年拍嘅大型户外综艺节目《真系GAME》令到外界睇到渠哋团队嘅创意、热血同埋拼劲!

欢乐马介休嘅宗旨:「我哋系一班系现实嘅生活里面,努力寻找欢乐嘅咸鱼」,Game Never Over!


香城 允行|IG:https://www.instagram.com/heungshing_hk/
超人气本地年轻插画家,创作人允行钟意按民意即日创作图文,香城嘅出现系因为一啲无聊諗法而面世,允行希望香港人可以透过渠嘅作品而会心微笑。


无纸用工作室|IG:https://www.instagram.com/nopaperstudio/
「无纸用工作室」插画风格系参照 70 至 80 年代嘅电影海报,糅合西方鬼马作风同埋国画笔法,透过手绘电影标题、人像主演角色同埋密集嘅文字排版等怀旧元素,描绘出「贴地」话题,记录本地文化。


Hira Hira Store|IG:https://www.instagram.com/hirahira_store/
有冇用过以纸塑人形技术制作既电饭煲?眼袋招财猫人形听落好似好诡异,实际上好 CUTE 㗎!由 5 个人用渠哋工作以外嘅宝贵时间,默默动手一纸、一笔、一针、一线、一包、一贴,走过七年时间,成就咗满满日式风味嘅 Hira Hira Store。


打边炉研究院|IG:https://www.instagram.com/daabinlo_vision/https://www.instagram.com/daaidaabinlocardgame/
香港首创「打边炉」卡牌游戏,融合打边炉同埋本土文化。由打边炉研究院制造嘅卡牌游戏,无论创作同设计都系「香港制造」,卡牌以打边炉为题,玩家要收集或者抢其他人嘅食材先可以赢到游戏,游戏内包含各式各样本地食材卡牌同埋汤底牌,亦有经典迷因(Meme)主角作为角色牌,「合成字」同广东话文化都蕴藏系卡牌当中。


OYTY Studio|IG:https://www.instagram.com/oytystudio/
散发住浓厚怀旧气息嘅香港本土特色小店 OYTY Studio,由 Oscar Yeung 同埋 Tim Yeung 两兄弟去主理,主打手工皮革同埋钱币饰物。从手链、颈链、戒指等嘅首饰,到皮带扣、手表扣、皮具钮扣等嘅配件,OYTY Studio 嘅钱币饰物好多元化,唔少客人都特登慕名而黎,寻找承载住回忆嘅个一年,借住钱币追忆过去。


Johnee Lau|IG:https://www.instagram.com/johnee_lau/
本地动画师兼插画师,以「核突可爱风」同「食字」作品而知名度大增,最出名嘅作品有《GALAMAN》(胳肋底超人)。Faster Piece 系 Johnee 同观众互动嘅方式,即系你出题我画,观众会写字词或者名畀渠,等渠即时以「食字梗」方式画出黎。

东尼电机|IG:https://www.instagram.com/tonyelectronic/
东尼电机嘅发明装置相信熟悉嘅人都会听过,「起步斑马线」、「选择困难症神器」等等,全部发明都系为咗解决生活上嘅烦恼,又有创意又幽默又盛。

美富纹身 MoFo Tattoo|IG:https://www.instagram.com/mofo_tattoo/
有纹身同冇纹身嘅朋友都一定听过美富纹身MoFo Tattoo!美富纹身师同时亦系插画师,风格有好多种:卡通、小清新、写实风、书法风格、卡通图案、黑白素描风⋯⋯欢迎嚟市集睇睇!市集当日会卖自家制Tee shirt、扇同埋纹身贴纸等等。
*请注意,现场不设纹身服务

When Night Comes
|IG:https://www.instagram.com/whenightcomes__/
将复古元素重新融入现今生活嘅饰物店,店主经常搜集各地嘅饰物,复古款式,渠仲会亲自制作耳环,而款式系以金属同埋花朵嘅配搭为主,款式简洁。

另外,When Night Comes 部分绝版嘅 Vintage 饰物都保存得好好,每件 Vintage 饰物都包含独一无二嘅价值同埋时髦意义,好值得收藏,再去延续渠嘅故事,拥有新的开始。

SUNSI.CO|IG:https://www.instagram.com/SUNSI.CO/
结合古物同植物嘅小店 SUNSI.CO,将日本块根植物引入香港,每一棵块根植物都有古怪、奇特嘅外表,系日本有「珍奇植物」嘅称号。

另外,SUNSI.CO 以「食物+植物」概念为主题嘅工作坊,同一个芝士蛋糕品牌合作 ,将非洲块根植物同埋铝罐包装嘅 Cheesecake 联乘埋一齐。食完芝士蛋糕后,将铝罐清洗干净,再将非洲块根植物种植到铝罐包装里面,既环保又创新 !


* 所有入场人士必须在入口处扫描 The Wave 的安心出行二维码,并在进入活动场地之前出示有效的疫苗接种记录或医疗豁免证明
* 所有人士必须正确佩戴口罩
* 活动场地内禁止饮食