大家有冇发现自己嘅社区系最近几年变得有小小不一样？
有人会为社区做区报、有人会做导赏团、有人会系街头画画写字影相⋯⋯
突然间，大家不约而同地尝试创作，无论开始嘅初衷系咩，相信「珍惜」系其中一个令大家开始创作嘅原因。
好一天绘本见 (The Beautiful Pages) 会喺 11 月 30 至 12 月 5 日深水埗合舍举行社区绘本展 "How’s everything?"，五位绘本作者希望借今次机会同大家交流对社区、对创作嘅睇法；都希望将本地绘本带到入大家嘅生活当中。
绘本，对香港读者嚟讲可能比较陌生；对于五位绘本作者嚟讲，绘本唔单止系儿童读物，更加系人同城市嘅连结。用绘本讲故事、去坚持创作绘本，都系因为有想珍惜嘅物、事、人。
希望呢个展览除咗系一个创作者同观者嘅交流会，都系一个畀珍惜自己社区、珍惜自己成长地方嘅人取暖嘅火炉。
