窮L食好西「Taste of Hong Kong」攻略 — 10個23蚊餐價錢換來米芝蓮嘅味道

咩係Taste美食節先？此乃一個全球最大型餐廳節日，而亞洲區首站就係香港啦！雖則香港好多時都柒出國際，但間唔中都有啲好嘢嘅！美食天堂呢個名，就算689於國際間有幾7都好，始終不變，香港大把好嘢食！嚟～小編同大家一齊食好西！


嗱～咁大嗱嗱畀咗舊幾水入場費，咩玩法先？其實係咁，簡單嚟講就係有12間都幾出名嘅餐廳擺檔，當然有啲係米芝蓮嫁啦！一般每檔有3個招牌菜式同1個代表菜式(Signature Dish)，招牌菜式一般一舊水樓下，Signature Dish就舊幾到3舊幾水不等～

形式好似去Clockenflap咁，買張儲值卡，想食就檔阱排隊，o都卡落Order等食，冇位坐嫁，有高枱立食。啲菜式嘅Size就...唔好expect有個大X樂焗豬飯咁囉，人哋fine dining嚟嫁，柒少陣啦！


至於點玩法比較著數，首先，你要有個...朋友同你一齊去啦～開心Share梗係抵啲啦！然後，一間餐廳食一樣嘢好喇，話晒都一百幾廿蚊一碟仔，咪當佢老麥咁係咁喪o趙～2個人些牙，間間都淺嘗下，都爽吖！相機食先記得影埋餐廳名，拱先呃到Like嘛～

必試推介：

1/ 三文魚子松露煎帶子 — 天龍軒 代表菜式


2/ 香煎乳鴿 半隻鴿子配海蓬子及日本蟶子 — Serge et Le Phoque 代表菜式


3/ 日本生蠔 配生海藻、馬鈴薯、生紅蔥、蕃茄及豬肉小香腸脆片 — Amber 招牌菜式

4/ 砵酒燴牛仔面頰 紅花意大利飯、芝士、香草及巴馬火腿 — Café Gray Deluxe 招牌菜式

5/ 日式吉列三文治 牛奶麵包、椰菜及日式豬排醬 — Yardbird & RŌNIN 招牌菜式

五碟嘢一共$830！未飽？+$23就包你飽！I mean 行去海富老麥啪多個23蚊餐～搞掂～

老老豆豆，毒L小編平時堅少食fine dining，最常食嘅米芝蓮就係添X運！($26個蒸飯Rocks！) 今次嚟咗「Taste of Hong Kong」試咗幾間正嘢，幾舊水食好西，個人即刻離地咗，望住IFC，好想食完之後立即跳落維港游返個冬泳！