【香港周圍遊】慢步維港海濱長廊 欣賞微型藝術

不論身邊係情人，又或者只係一個人，慢步維港海濱長廊都係一件好舒服嘅活動。喺星光大道嘅對面，就有一件件「微型藝術」展示出嚟，俾大眾觀賞打卡之餘，都可以嘗試了解背後作者嘅想法。

微型藝術家—安泰製作微型藝術嘅目的，希望透過微型藝術作品訴說以往嘅故事，喚起大家對過往嘅回憶，將老香港情懷同文化代代相傳落去。所以今次維港海濱長廊嘅作品都係圍繞香港情，「家」嘅概念。


2017年，安泰創辦「微行動mini movements」義務探訪計劃，透過義工服務分享對行動不便同有需要人士嘅關懷，更會探訪校園去推廣香港手作微型藝術俾下一代。

「港」電視 . 講「家」情


見到「大牛龜」懷舊電視機，以為作者想表達香港情舊。其實冇咁簡單，作者認為「大牛龜」電視機陪伴港人成長，陪伴無數家庭「電視機送飯」。喺香港經濟起飛嘅年代，電視機係家庭中嘅重要角色。就有如維多利亞港一樣，同港人生活息息相關，亦喺香港歷史扮演咗重要景象。兩者都代表「家」。


兩部大電視機以垂直嘅方式疊起，貼心地兼顧了不同身型人士嘅需要，為多元共融社會貢獻應有嘅關懷同同理心。更加為大眾提供一個互動同充滿玩味嘅拍攝場景。觀賞兩部大電視機，有如睇緊一幕幕活生生嘅畫面，有笑有淚。

小電視機


迷你電視機以微型概念創作，並以特製嘅水泥夾固定喺海濱長廊嘅欄桿上，遊人可以通過小電視機螢幕，觀賞對岸美景，亦鼓勵運用互動視覺嘅拍攝角度，影低香港動人嘅一面。


欄桿上都有微型模型！



端午節快到啦！就趁假日去海濱長廊睇吓啦。



微型玻璃磚
微細事情總埋藏在身邊，等待你去發現！

圖片來源: On Tai 安泰
撰文: Zoe