【香港周圍遊】機場維修區點樣打卡最靚?
作者: Timable, 2020年6月24日 (三) 上午9時10分
2020年就快過六個月，小T同大家一樣，一次旅行都未去過呀！機場維修區大家可能都唔陌生，個個都話佢係打卡好地方，但到底點影先靚？不如參考吓小T搵嚟嘅相，趁今個週末同另一半/朋友去打卡，一齊去個「本地小旅行」
踏入夏天，小T唔建議中午時份去打卡，可以遲小小先去，咁就影到日落時段嘅風景啦！呢條馬路有時都會車經過，所以影相時就要格外留神啦。
條馬路夠哂開揚同寬闊，所以好易影到靚相！
圖片: [email protected]
遇上好天氣，坐或企喺石上影相都好靚！好易拍出日系風格。
雖然依家飛機來往唔算好頻密，但仍有機會影到飛機升降！
依家天氣好熱呀，大家去打卡要做足防曬同帶夠水。唔好中暑呀！
如何前往(公共交通工具):
於東涌港鐵站乘坐S52嘅巴士到達機場維修區總站，向反方向步行便到達
攝影: Linus
撰文: Zoe
